Бакарот се движи кон најголем годишен раст од 2009 година, главно поттикнат од облозите дека побарувачката за металот, кој е клучен во електрификацијата, ќе ја надмине понудата.
Црвениот метал достигна серија рекордни максимуми во порастот на крајот од годината, поскапувајќи во 2025 за повеќе од 40 проценти на Лондонската берза за метали. Тоа го прави најдобар меѓу шесте индустриски метали на берзата.
Цените паднаа на последниот ден од тргувањето во 2025 година, а се лизнаа и акциите поради намалениот апетит за ризик.
Прочитај повеќе
Цената на бакарот скокна до рекордни 13.000 долари поради стравувањата за резервите
Цената на бакарот се искачи кон рекордни 13.000 долари за тон на Лондонската берза за метали, во зачудувачки раст на крајот од годината поттикнат од загриженоста за намалената понуда.
29.12.2025
Цената на бакарот достигна рекорд во Кина, скок и во Њујорк поради страв од недостиг
Бакарот продолжи со силниот годишен раст, со рекорд на берзата во Шангај, како и во Њујорк, додека инвеститорите стравуваат од недостиг од металот.
26.12.2025
Светот има потреба од многу повеќе бакар – но дали ќе го има доволно?
Серијата прекини во рудниците, растечката побарувачка од ВИ и енергетската транзиција, како и трговските тензии, создаваат глобален недостиг од бакар, што може да ја преобликува индустријата.
11.12.2025
Bloomberg Mercury
Трговците брзаа да испорачуваат бакар во САД во очекување на потенцијални царини, стеснувајќи го пазарот во остатокот од светот. Послабиот американски долар, што ги прави стоките поевтини за купувачите во други валути, како и силниот раст на златото и среброто, исто така, помогнаа да се зголеми привлечноста на индустрискиот метал.
Количината на злато потребна за купување на еден тон бакар падна на рекордно ниско ниво, а двигателите зад растот на цената на златните прачки оваа година ќе го поттикнат бакарот во 2026 година, напишаа аналитичарите на компанијата „Чајна секјурититис“ (China Securities Co.), предводени од Џоу Џунжи. Како оптимисти за црвениот метал тие ги посочија олеснувањето на монетарната политика од страна на Федералните резерви на САД, бумот во технолошките индустрии и преобликувањето на глобалните синџири на снабдување поради американските царини.
Bloomberg Mercury
Утрово на Лондонската берза цената на бакарот падна за 0,5 отсто, на 12.498,00 долари за тон. Во понеделникот неговата цена достигна рекордни 12.960 долари.
Фјучерсите за железна руда малку се променија и сега тон од оваа руда се купува за 105,80 долари на Сингапурската берза, што е зголемување од околу пет проценти оваа година. Челикот зајакна и покрај помалото производство во Кина и зголемените залихи во рудниците.
.webp){kind=icon}
