Северна Македонија планира враќање на пазарот на еврообврзници за да го рефинансира долгот што доспева и да го финансира буџетскиот дефицит оваа година, јави „Блумберг“. Во објавата се вели дека земјата ќе понуди четиригодишни хартии од вредност во евра во наредните денови. Северна Македонија последен пат продаде еврообврзници пред речиси две години во услови на криза предизвикана од коронавирусот.
„Секогаш има побарувачка за обврзници од оваа земја бидејќи ретко позајмува и конзервативно е управувана“, рече Ричард Сегал, аналитичар за фиксен приход во „Амброзија Капитал“ (Ambrosia Capital Ltd.) „Побарувачката треба да биде силна бидејќи можностите за купување приказни поврзани со пристапување во ЕУ се малку и стануваат се‘ поретки“.
На ова издавање, можат да се соберат дури 800 милиони евра или „повеќе од вообичаено“, со оглед на тоа што земјата веќе има кредитна линија од Меѓународниот монетарен фонд и напредува во преговорите за пристап во Европската унија што ќе ја зајакне довербата на инвеститорите, смета Стефан Имре, економист во „Рајфазен банк“ (Raiffeisen Bank International AG).
Прочитај повеќе
Бесими бара инвеститори за нова еврообврзница
Овој повик го организираат Сити банк, Дојче банк и ЏП Морган како заеднички организатори.
06.02.2023
„Блумберг“ пишува дека земјава треба да отплати 450 милиони евра обврзници кои доспеваат во јули и треба да финансира буџетска дупка од 4,6 отсто од БДП оваа година. Планира да собере дури 94,9 милијарди денари (1,65 милијарди долари) од меѓународно и локално финансирање во текот на годината. Во ноември ММФ одобри двегодишна линија за ликвидност од 530 милиони евра.
„Во текот на целата минатата година, немаше ниту една емисија од пазарите со високи приноси во регионот на ЈИЕ - тоа беше фундаментално тешка година за издавачите на неинвестициска оценка“, се вели во белешката на Имре.
Новата понуда доаѓа во период на рекордни издавање на обврзници и надолен пазар со мал ризик, вели Луц Роемајер, главен инвестициски директор во „Капитулум Асет менаџмент“ (Capitulum Asset Management) со седиште во Берлин. „Соседството на Балканот е секогаш политички нагласено, но не гледам прелевање, ниту од регионалните препукувања, ниту од руската војна во Украина“, рече тој.
Како водечки менаџери за продажбата се ангажирани „Ситигруп“ (Citigroup Inc.), „Дојче банк“ (Deutsche Bank AG), „Ерсте груп“ (Erste Group Bank AG) и „ЏП Морган Чејс“ (JPMorgan Chase & Co).
.webp){kind=icon}
