Народна банка повторно ја зголеми основната камата

Народната банка ја зголеми каматата на благајничките записи за 0,25 процентни поени, по трет пат од април наваму, со што сега основната камата изнесува 2 проценти. Од НБРМ известија дека на седницата на Комитетот за оперативна монетарна политика на Народната банка, кој бил одржан вчера било одлучено да се зголемат и каматните стапки на расположливите депозити преку ноќ и на седум дена, за по 0,25 п.п. и 0,15 п.п., соодветно, на ниво од 0,4 проценти и 0,45 отсто.