Владата на Црна Гора одлучи да ги ограничи трговските маржи на основните прехранбени производи. Со оваа одлука, во трговијата на големо маржите се ограничени на пет отсто за пченица, шеќер, масло и сол, додека во трговијата на мало максималната маржа за истите производи ќее изнесува седум отсто.
Горан Ѓуровиќ, министерот за економски развој и туризам, објаснувајќи ја одлуката, изјави дека владата прави се што може за да го ублажи растот на цените на храната и енергенсите.
„Најдовме оптимум да ги заштитиме граѓаните за да го ублажиме растот на цените“, рече Ѓуровиќ, нагласувајќи дека Црна Гора има доволно енергенси и храна.
Одлуката доаѓа откако цените на горивата во Црна Гора достигнаа историски максимум во вторникот.
Претходно, премиерот Дритан Абазовиќ ги повика граѓаните да штедат енергија и најави можност за недостиг наесен.
Инфлацијата во Црна Гора во првите пет месеци е околу 12 отсто, а цените на храната драстично се зголемија од почетокот на војната во Украина кон крајот на февруари.
.webp){kind=icon}
Во моментов нема коментари за веста. Биди прв да коментира...