За прв пат во историјата на нашата земја, граѓаните можат на брз и едноставен начин да направат споредба на надоместоците за платежните услуги кај банките преку веб-страницата на Народната банка на која од денес функционира алатката „Споредба на надоместоците помеѓу давателите на платежните услуги “.
„Зголемената транспарентност и споредливост на услугите се најзначајните придобивки и новини кои за граѓаните ги донесе Законот за платежни услуги и платни системи. Со обврската за примена на стандардизирани термини и опфат за најрепрезентативните, односно најчесто користените платежни услуги од страна на банките и нивно редовно доставување до Народната банка за објавување, ќе им се овозможи на граѓаните брзо и лесно да ги споредат понудите и надоместоците за услугите поврзани со платежните сметки“, соопшти Народна банка.
Оттаму истакнуваат дека на веб-страницата се објавени податоците по поединечна банка за видот и висината на надоместоците што ги пресметуваат и наплаќаат за секоја од услугите што се определени како најрепрезентативни за потрошувачите.
Меѓу нив, се надоместоците за одржување на платежна сметка, за онлајн користење услуги поврзани со платежна сметка, за кредитен трансфер во денари во земјата, за кредитен трансфер во евра во странство, за кредитен трансфер во валута различна од евро во странство, за прилив од странство, за траен налог, за издавање дебитна картичка, за издавање кредитна картичка, за повлекување готовина и за дозволено пречекорување.
„Давателите на платежните услуги самостојно ги утврдуваат надоместоците и се одговорни за точноста на доставените податоци за објавување од Народната банка. Со цел корисниците на платежни услуги да можат да располагаат со ажурни и соодветни информации, банките имаат обврска истите да ги ажурираат при секоја промена на надоместоците“, информираат од Народната банка.
Народна банка
За пример, од сега граѓаните со еден клик ќе можат многу лесно да споредат која банка колку наплаќа за годишна членарина при издавање крадитна картичка.
Народна банка
Или пак ќе можат да споредат која банка колкав месечен надомест наплаќа за одржување на сметка.
.webp){kind=icon}
