.webp){kind=icon}
По првите емисии на граѓанската и зелената обврзница, Министерството за финансии денеска го објави Проспектот за втората емисија граѓански обврзници на износ од 600 милиони денари.
Граѓаните од денеска до 6. ноември имаат можност да запишат граѓански обврзници за кои и овојпат е понудена каматна стапка од 5 отсто. Минималниот износ кој граѓаните ќе можат да го вложат во овој иновативен финансиски инструмент e 10.000 денари. Рокот на достасување е две години и на имателот на обврзницата ќе му донесе вкупен принос од 10 отсто.
„Граѓаните во овој инструмент го препознаа својот интерес и очекуваме дека и овој пат ќе имаме успешно спроведен процес на издавање на граѓанската обврзница. Како што најавивме, овој инструмент ќе биде достапен на пазарот во континуитет и ќе продолжиме и во иднина со издавање на нови емисии на граѓански обврзници“, рече министерот за финансии, Фатмир Бесими.
Прочитај повеќе
Побарувачката за зелените обврзници три пати поголема од понудата
Доставена е понуда во износ од 1,635 милијарди денари. На аукцијата беа запишани зелени обврзници во износ од 10 милиони евра.
03.10.2023
Наша прогноза: Ќе има огромен интерес за зелената обврзница
Високата камата ќе ги привлече инвеститорите што, меѓу другото, сакаат да покажат ЕСГ-инвестиции во своето портфолио.
03.10.2023
Владата го почнува септември со нови задолжувања, ќе плаќа камата до 6,15 проценти
Износот на државни хартии од вредност што достасува за исплата во септември 2023 година изнесува 2.664.600.000 денари или околу 43,4 милиони евра
31.08.2023
Обврзници: Владата ги сака банките 0,25 проценти повеќе отколку граѓаните
Во текот на првиот квартал од 2023 година, каматните стапки на државните хартии од вредност, утврдени од страна на Министерството за финансии, забележаа нагорни промени
16.07.2023
На првата аукција на граѓанската обврзница граѓаните пројавија двапати поголем интерес од износот кој беше објавен со Проспектот. Беа запишани граѓански обврзници во износ од 1.448.030.000 денари.
Граѓанската обврзница за заинтересираните граѓани е достапна на едноставен начин. Тие со запишување на граѓански обврзници можат да се обратат на шалтерите во комерцијалните банки каде ќе поднесат барање за учество на аукцијата. Аукцијата ќе се одржи на 6 - 7 ноември 2023 година.
Покрај граѓанската обврзница, како нов производ на пазарот беше воведена и зелената обврзница, за која, исто така, на првата аукција беше изразен голем интерес од страна на инвеститорите.
Граѓанската и зелената обврзница, како и проектната и развојната, што ќе бидат воведени во наредниот период, се предвидени со Стратегијата за развој на пазарот на хартии од вредност, Стратегијата за управување со јавниот долг и Планот за забрзан економски раст.
