.webp){kind=icon}
Владата следната недела планира да се задолжи на домашниот пазар преку издавање државни хартии од вредност во вкупен износ од 3,6 милијарди денари или околу 58,4 милиони евра. Каматните стапки за новите задолжувања се движат од 4,25 за 12-месечните државни записи до 6,15 проценти за 15-годишните државни обврзници.
Според проспектите што ги објави Министерството за финансии, на 5 септември е закажана аукција на 12-месечни државни записи без девизна клаузула во вредност од 2,4 милијарди денари (39 милиони евра) во ограничен тендер со износи и камата од 4,25 проценти.
Истиот ден државата ќе понуди на аукција 15-годишни државни обврзници во вредност од 200 милиони денари (3,2 милиони евра) со евро клаузула и купонска каматна стапка од 5,9 проценти, како и 15-годишни државни обврзници во вредност од милијарда денари (16,2 милиони евра) без девизна клаузула со купонска каматна стапка од 6,15 проценти.
Прочитај повеќе
Зачестија задолжувањата на државата, најскапи од 2012 година
Денеска ќе се одржат аукции на записи и обврзници на кои државата ќе запише 39 милиони евра.
01.08.2023
Граѓаните купија обврзници за 23,5 милиони евра
Успешно заврши роцесот на издавање на првата емисија на граѓанската обврзница.
13.07.2023
Се очекува „тепачка“ за првите граѓански обврзници
Главна причина за големиот интерес е каматната стапка од пет проценти, која е речиси двојно повисока од просечната камата на депозитите орочени на две години.
10.07.2023
ББА-анализа: Каматата на македонските народни обврзници и приносите во регионот
Македонија до крајот на овој месец ќе понуди народни обврзници.
12.06.2023
Во проспектите за трите аукции е наведено дека износот на државни хартии од вредност што достасува за исплата во септември 2023 година изнесува 2.664.600.000 денари или околу 43,4 милиони евра. Математиката покажува дека најголем дел од парите што ќе се обезбедат преку трите нови аукции ќе се искористат за исплата на старите долгови по основ на достасани државни хартии од вредност, а на Владата ќе и останат петнесетина милиони евра за други намени.
Инаку, како што веќе пишуваше „Блумберг Адрија“, високата инфлација и затегнувањето на монетарната политика ги отежнаа можностите за задолжување на државата со оглед на тоа што придонесоа да се зголеми и висината на каматите на државните хартии од вредност и на останатите меѓународни кредитни инструменти. Најдобар показател за тоа е што 15-годишните државни обврзници на почетокот на минатата година се издаваа со камата од само 0,9 проценти, а сега со камати кои ја надминуваат границата од шест проценти.
