Министерството за финансии ќе продолжи со емисиите на граѓански обврзници. Проспектот за новата емисија се подготвува и се очекува да биде објавен до крајот на годината.
„Во Министерството за финансии во изминатиот период се работеше на анализа на финансискиот пазар и трендовите во регионот и Европа во насока на диверзификација на понудата на финансиските инструменти за инвестирање и веќе се работи на подготовка на нова емисија граѓанска обврзница“, соопшти Министерството.
Инаку, утре МФ ќе се изврши исплата на главнината и каматата за втората година од издадената втора граѓанска обврзница. Средствата во износ од 17,6 милиони евра и камата во износ од 880 илјади евра ќе бидат исплатени на сметките на граѓаните кои имаат запишано вакви обврзници.
Прочитај повеќе
Европските стадиони се финансираат со обврзници, во регионот со ентузијазам и кредити
Спортинг од Лисабон собра 225 милиони евра со продажба на обврзници за модернизација на стадионот и негово претворање во забавен центар.
07.11.2025
Вложивте во македонски граѓански обврзници и депозити? Не заработивте ништо
Со помош на нашите аналитичари пресметавме колку е реалниот принос од граѓанските обврзници, орочените депозити и МБИ10.
19.09.2025
Државно задолжување кај граѓаните – за едни воспоставена пракса, за други само идеја
Македонските граѓани покажаа големи апетити за граѓанските обврзници
21.02.2024
Словенија ќе понуди принос од 3,4 отсто за граѓанските обврзници
Ова е првпат во Словенија да се издаваат обврзници за граѓаните откако се издадоа и во Македонија и во Хрватска.
24.01.2024
Никој не продава граѓански обврзници, се чекаат каматите
Досега немало ниту еден налог за продажба на граѓанските обврзници.
31.08.2023
Обврзници: Владата ги сака банките 0,25 проценти повеќе отколку граѓаните
Во текот на првиот квартал од 2023 година, каматните стапки на државните хартии од вредност, утврдени од страна на Министерството за финансии, забележаа нагорни промени
16.07.2023
Стартуваат граѓанските обврзници: Купонска камата од пет проценти
Средствата кои ќе се мобилизираат преку аукцијата на граѓанските обврзници, ќе се искористат за буџетски потреби
30.06.2023
„Втората граѓанска обврзница, Министерството за финансии ја издаде на 7 ноември 2023 година со рок на достасување од 2 години и каматна стапка од 5 отсто годишно. Каматата од оваа граѓанска обврзница за првата година беше исплатена минатата година во ноември при што беше исплатен износ од 54.274.000 денари или 880 илјади евра“, наведува Министерството.
Првата граѓанска обврзница беше емитувана во јули 2023 година. И таа беше со рок на достасување од две години и каматна стапка од пет проценти годишно. Тогаш граѓански обврзници запишаа вкупно 1.448 граѓани, во вкупен износ од 1,4 милијарда денари (23,5 милиони евра), на кои на двапати (во 2024 и во 2025 година) им беше исплатена вкупна камата од 2,4 милиони евра.
Со помош на нашите аналитичари неодамна пресметавме колку добија граѓаните што запишаа обврзници. За пресметката зедовме просечна сума што била од вложена од едно лице во обврзниците од околу 16.000 евра. Математиката покажува дека за толкава сума инвестирана во граѓански обврзници, по две години едно лице добило поврат од 800 евра годишно или вкупно 1.600 евра, што е бруто-принос (без влијанието на инфлацијата) од 10 проценти.
Меѓутоа, ако се земе предвид дека кумулативната инфлација за периодот 2023-2024 година изнесувала 13,79 проценти, тогаш реалниот принос од инвестираната сума од 16.000 евра е минус 3,8 проценти. Со други зборови, иако ваквиот инструмент нуди сигурна заработка на хартија, во реалноста тоа не значи и реална добивка бидејќи поради високата инфлација парите ја губат вредноста односно куповната моќ е намалена.
.webp){kind=icon}
