Цената за електричната енергија за домаќинствата и малите потрошувачи ќе ја објави Универзалниот снабдувач - „ЕВН хоме“, откако претходно Регулаторната комисија за енергетика (РКЕ) ќе направи проверка дали е соодветно пресметана.
„Регулаторната комисија за енергетика со новата одлука во декември ќе стартува да ја применува ЕУ практиката според која како обврска на регулаторот е дефинирање на тарифите за пренос и дистрибуција, а крајната цена во која влегуваат сите елементи ќе ја соопшти Универзалниот снабдувач - ЕВН хоме“ вели претседателот на РКЕ Марко Бислимоски.
МИА
Регулаторната комисија по направената проверка ќе укаже каде има потреба од корекции ако има отстапувања но формулата е јасна за сите енергетски компании ниту едно регулаторно тело не ја кажува крајната цена освен Србија и Косово.
„Регулаторот е да регулира тарифи за пренос и дистрибуција. Ќе ја објави ЕВН хоме, а претходно ќе ја контролира РКЕ каде ќе се проверува дали ќе бидат правилно применети тарифните системи“ објаснува Бислимоски.
Промена на опсегот на четирите блок тарифи за електричната енергија на регулираниот пазар нема да има и покрај забелешките на Меѓународниот монетарен фонд.
„Блоковите и нивниот опсег нема да се намалат. Не е тоа решение. Блоковите даваат резултати. Воведената реформа има ефект и има заштеди од 16 отсто. Дури и тоа што беше потопла зимата има удел, но сепак до овој процент е стигнато со штедење на домаќинствата и факт е дека потрошувачката е намалена“, вели Бислимоски
Според него, намалувањето на субвенциите што ги даваше Владата за електричната енергија е логичено бидејќи по завршувањето на грејната сезона немаме потреба од ТЕЦ Неготино и големите набавки завршија.
.webp){kind=icon}
