„Комерцијална банка“ соопшти дека во постапка за присилна наплата на побарувања од должникот „Еуроникел индустри“ се стекнала со сопственост над недвижен и движен имот во вредност од речиси 38 милиони евра.
Ова е исход од неколкумесечната голгота на комбинатот од кавадаречкото село Возарци, период во кој имаше обиди за преземање и од странски компании, за кои пишуваше „Блумберг Адрија“. Со оглед на тешката ситуација во која се најде поранешен „Фени“, банката беше еден од најголемите доверители, по што беа активирани постапки за присилна наплата на долговите.
Според нашите информации, сè уште постои интерес кај странски инвеститор за купување на комбинатот, но засега не се коментираат неговите намери.
Прочитај повеќе
Синдикатот на „Еуроникел“ најавува протест во четврток и петок
Работниците немаат плати и здравствено осигурување за октомври
21.11.2023
Официјално: „Еуроникел“ од Кавадарци е на продажба
Продажбата е дел од мерките за спас на компанијата
17.11.2023
Може ли „Еуроникел“ повторно да стане „златна кокошка“?
Цените на металите беа исклучително нестабилни во периодот зад нас.
16.10.2023
„Еуроникел“ не работи, комбинатот индиректно коментира и за преземањето
„Блумберг Адрија“ веќе објави дека К.А.Д Менаџмент сервисес“ со седиште во Никозија веќе доставила понуда за преземање
14.10.2023
Фирма од Кипар со понуда за целосно преземање на „Еуроникел индустри“?
Според сознанијата, „КАД менаџмент“ треба да инјектира ликвидност во компанијата, но и техничка експертиза.
10.10.2023
Од октомври комбинатот се одржуваше во процес во кој печките беа оставени топли и се трошеа само по пет мегават-часа струја. Нашите извори тогаш коментираа дека ако се исклучи струјата, за што има ризик, поради неплатените долгови, печката може и да пукне.
Следниот месец односно во ноември вработените излегоа на протест со тврдење дека не се исплатени платите. Во дописот од синдикатот испратен до Фатмир Битиќи, заменик-претседател на Владата задолжен за економски прашања, координација и економски ресори и инвестиции, со копија од барањето до премиерот Димитар Ковачевски, градоначалникот на Кавадарци, Митко Јанчев, и директорот на „Комерцијална банка“ АД Скопје, Хари Костов, бараа да им се исплати повратот на ДДВ за да се поделат плати. Во „Еуроникел индустри“ работат околу 800 работници.
Претходно ние објавивме дека „К.А.Д менаџмент сервисес“ (K.A.D Management Services), моментално деловен партнер на „Еуроникел индустри“, сака да ја преземе домашната компанија.
Инаку, „Еуроникел индустри“ е рангирана на 15-то место меѓу најголемите компании во Македонија за 2022 година, со приход од 12,4 милијарди денари и добивка од 26,7 милиони денари. Компанијата придонесува со три проценти во националниот БДП. Пред да го преземе „Комерцијална банка“, сопственик на компанијата беше швајцарскиот фонд ГСОЛ, кој во 2018 година ја презеде фабриката „Фени“.
.webp){kind=icon}