Менаџментот на „Еуроникел индустри“ од Кавадарци денеска преку соопштение потврди дека компанијата е понудена на продажба што е дел од мерките за незин спас.
„Во насока на барање на потенцијално решение, во овој период ГСОЛ ги понуди акциите на „Еуроникел“ за минимален износ на најголемиот доверител (банка), како и на Константинос Даскалакис и неговата група компании, кои изразија интерес да го купат „Еуроникел“. Константинос Даскалакис и неговите соработници, Арвинд Мундра Џон Вотерс, покрај интересот да го купат „Еуроникел“ преку нивната компанија „Еуроникел Холдинг“ во Швајцарија, изразија и интерес да го одржат работењето на компанијата и да ја задржат вклучена печката. Разбираме дека се во тек преговори помеѓу банката доверител и Даскалакис со цел да се најде решение за иднината на фабриката“, се вели во соопштението до јавноста.
„Блумберг Адрија“ пред повеќе од еден месец извести дека ГСОЛ, мнозинскиот сопственик на поранешен „Фени“ бара купувач за гигантот.
Фирма од Кипар со понуда за целосно преземање на „Еуроникел индустри“?
„Еуроникел“ не работи, комбинатот индиректно коментира и за преземањето
Може ли „Еуроникел“ повторно да стане „златна кокошка“?
Во соопштението се посочува дека, „Еуроникел“ и неговиот акционер ГСОЛ ги поддржуваат сите конструктивни разговори и активности кои можат да ја обезбедат иднината на компанијата и ги повикуваат сите засегнати страни да придонесат за одржливо долгорочно решение за фабриката.
Менаџментот на „Еуроникел индустри“ тврди дека покрај ова, ги презема сите останати чекори за спас на компанијата која е во тешка финансиска ситуација за која се алармира со месеци. „Почнувајќи од екстремната енергетска криза минатата година и многу нестабилните пазари оваа година, како и седуммесечното исклучување на печката од 2022 година и повторното отворање на производните погони во април 2023 година, фабриката во Кавадарци и светскиот пазар на никел се во многу тешка ситуација“, информираат преку соопштение од компанијата.
Оттаму нагласуваат дека цените на никелот годинава паднале за 40 отсто, додека цените на енергентите остануваат високи. Покрај овие проблеми, „Еуроникел“ се соочува и со проблеми предизвикани од главниот снабдувач и клиент, со нестабилни и минимални нарачки за купување на производот од моментот на рестартирање на фабриката во април 2023 година, што го наруши редовното производство на фабриката, одржувајќи ги трошоците високи и загрозувајќи ја нејзината иднина, се наведува во соопштението,
„Акционерот на ГСОЛ инвестираше над 3,5 милиони долари во „Еуроникел“ само во 2023 година, за да се осигури дека платите ќе бидат исплатени како и да се одржи производството. Сепак, постојаниот добавувач „Ароу Металс едн трејдинг“ во октомври 2023 година целосно и еднострано ги прекина испораките на суровина и ги сопре нарачките“, велат од компанијата.
„Еуроникел“ сега се соочува со неосновани побарувања и судски спорови од овој деловен партнер, се вели во соопштението испратено до медиумите.
Се додава дека со цел да се спаси компанијата и да се обезбеди најдобар исход за сите засегнати страни, вклучително и за вработените, добавувачите и целокупната економија на Северна Македонија, ГСОЛ инвестирал еден милион долари во текот на последните недели, со цел да се обезбеди печката да остане вклучена и платите на вработените да се исплаќаат.
.webp){kind=icon}
