Регулаторната комисија за енергетика (РКЕ) ќе ги преземе сите механизми за цената на топлинската енергија да остане стабилна, имајќи ги предвид цените со природниот гас на берзите во Европа. Во никој случај нема да дојде до зголемување на цената на топлинската енергија за домаќинствата, вели претседателот на РКЕ Марко Бислимоски.
„Единствено може да дојде до намалување во зависност од тоа дали ќе има субвенции, дали ќе нема. Во текот на јули вообичаено ние ќе ја донесеме таа одлука. Можевме и сега да носиме популистичка одлука, кога ја намаливме цената за недомаќинствата, но се решивме да им се помогне пред сè на овие потрошувачи, кои во текот на енергетската криза ниту еднаш не беа субвенционирани“, вели Бислимоски.
МИА
Во првата шанса што ја имавме во делот на топлинската енергија, додаде Бислимоски, веднаш изреагиравме како РКЕ и цената на сите недомаќинства што се приклучени на системот за топлинска енергија во градот Скопје заради очигледно намалени трошоци за набавка на природен гас ја намаливме за 35 проценти.
„Во наредниот период ќе ја следиме ситуацијата со цената на природниот гас и ќе видиме како ќе се одрази тоа понатаму. Загрижува фактот што ТЕ-ТО дава нешто помалку од тоа што сме го предвиделе да го дава на мрежа, но понатаму како ќе проаѓа времето ќе анализираме, ќе имаме состаноци со ТЕ-ТО и со ЕСМ дистрибуција на топлинска енергија да видиме што било причината за тоа“, рече Бислимоски.
Било предвидено ТЕ-ТО да дава околу 60 проценти од топлинската енергија, а во системот испорачувало под 50 проценти.
.webp){kind=icon}
