Tрошоците на животот во април 2024 година во однос на април 2023 година бележат зголемување од четири проценти, а цените на мало бележат зголемување од 3,5 проценти, соопшти Државниот завод за статистика (ДЗС).
„Инфлацијата мерена преку индексот на трошоците на животот во април 2024 година, во однос на март 2024 година, изнесува 0,7 отсто“, информира ДЗС.
Зголемувањето на инфлацијата во април 2024 година, во однос на март 2024 година, е резултат на зголемувањето на трошоците на животот во следните групи: транспорт за 2,8 отсто, комуникации за 1,6 отсто, храна и безалкохолни пијалаци, облека и обувки за 0,9 отсто, рекреација и култура, ресторани и хотели за 0,6 отсто, разновидни стоки и услуги за 0,4 отсто и здравје за 0,2 отсто.
Во април 2024 година, во однос на март 2024 година, намалување на трошоците на животот е забележано во групите: мебел, покуќнина и одржување на домаќинствата за 0,5 отсто и домување, вода, електрика, гас и други горива за 0,2 отсто.
Трошоците на животот во групите алкохолни пијалаци, тутун и наркотици и образование остануваат на истото ниво како и во претходниот месец.
.webp){kind=icon}
