За 10 месеци издадени 254 дозволи за енергија од обновливи извори

Од јануари заклучно со 31 октомври 2024 година Регулаторната комисија за енергетика (РКЕ) има издадено лиценци за нови фотоволтаични централи со вкупно инсталирана моќност од речиси 272 мегавати.

Како што информираат од РКЕ, за десет месеци низ регулаторниот филтер се поминати вкупно 254 барања од приватни инвеститори што ја имаат комплетирано потребната документација и за кои се издадени лиценци за нови фотоволтаични централи за производство на електрична енергија од обновливи извори.

„РКЕ водејќи се од начелото на транспарентност, достапност и јавност има подготвено обрасци за сите приватни инвеститори во кои се наведени потребните документи со цел да се поедностави процесот во доставување комплетни барања за добивање соодветна лиценца“, се наведува во соопштението од Комисијата.

РКЕ во 2023 година има издадено лиценци за производство на електрична енергија од обновливи извори со вкупна инсталирана моќност од речиси 399 мегавати, додека во 2022 година се издадени лиценци за 152,2 мегавати. 

Во моментов нема коментари за веста. Биди прв да коментира...

Остави коментар