Инфлацијата ја изеде платата. Номинално во јуни, во однос на ланскиот јуни таа пораснала за високи 10,9 отсто, но реално се намалила за над три отсто, покажуваат денешните податоци на Заводот за статистика.
Реалното намалување на платите се должи на високиот раст на цените. Според податоците на државната статистика, инфлацијата во земјава минатиот месец стигна до рекодрни 16 отсто.
Двигатели на растот на стапката на инфлација се цените на енергенсите и храната. Според прогнозите и на Владата и на експерите, на прагот сме на најтешката зима досега, а цените и натаму ќе растат.
Прочитај повеќе
Храна ќе има, но цените нема да се вратат на нивото од пред кризата
Цените дополнително ќе растат затоа што суровините се увезуваат, а цените на струјата се рекордни.
19.08.2022
Храната за три месеци поскапела за 18 проценти
Растот на домашните цени на храната е во согласност со ценовните движења на основните прехранбени производи на меѓународниот пазар
12.08.2022
Нов рекорд: Инфлацијата достигна 16 проценти
Забележани нови поскапувања на лебот, млекото, овошјето и останатите основни прехранбени производи
08.08.2022
Сепак, номинално платите во континуитет растат, и веќе е надминато предизборното ветување на просечна плата од 500 евра. Во јуни просечната плата на државно ниво изнесувала 31.869 денари.
Јунскиот раст се должи пред се на зголемувањето на просечната месечна исплатена нето-плата по вработен во секторите: објекти за сместување и сервисни дејности со храна (23.1 %), уметност, забава и рекреација (17.5 %) и трговија на големо и трговија на мало; поправка на моторни возила и мотоцикли (16.0 %).
Зголемување на просечната месечна исплатена нето-плата по вработен, во однос на претходниот месец, е забележано во секторите: финансиски дејности и дејности на осигурување (6.0 %), трговија на големо и трговија на мало; поправка на моторни возила и мотоцикли (5.7 %) и рударство и вадење на камен (4.3 %).
.webp){kind=icon}