Тимовите на Пазарниот инспекторат констатираа повеќе неправилности при контролите во маркетите кај трговците на мало, а може да има и казни со затворање маркети, изјави денеска во Прилеп заменик министерот за економија и труд, Марјан Ристески.
„На терен се 50-тина тимови на Пазарниот инспекторат. Се контролираат маркети, аптеки, тобако-трафики, секаде каде се продава на мало. Констатирани се повеќе неправилности. Има неправилности во однос на означување на намалените производи, при утврдувањето на маржите, на цените, во сметководствената евиденција... Наредната недела ќе има изрекување казни за најнедисциплинираните, а не е исклучено некои маркети да бидат и затворени, што е една од најновите мерки во Законот за трговија“, истакна Ристески.
Идната недела инспекторатот ќе ги контролира сите дистрибутери и поголемите увозници во земјава. Комисијата за заштита на конкуренцијата работи на прибирање докази за наводите за таканаречено картелско здружување.
Прочитај повеќе
Нова регулатива: Ќе дочекаме ли реален пад на цените во маркетите?
Новиот закон бара видливо и јасно истакнати цени на полиците, но и на веб-страниците на трговците за поголема транспарентност и фер однос меѓу маркетите и потрошувачите.
27.02.2025
Маркетите ќе мора да ги објавуваат цените на интернет
Трговците ќе мора да ги означуваат и да ги објавуваат продажната и единичната цена за стоките, на недвосмислен, видлив, читлив и јасен начин.
25.02.2025
Растат платите, растат и цените. Кој е побрз?
Просечната исплатена нето-плата во декември 2024 година изнесувала 43.587 денари. За една година номиналната вредност на платата е зголемена за девет проценти, а реално за 4,4 отсто.
21.02.2025
„Комисијата за заштита на конкуренцијата стручно си ја извршува работата и доколку утврдат такво здружување ќе има казни предвидени со Законот за заштита на потрошувачите“, рече Ристески, кој инаку очекува владините мерки да дадат резултати.
„Мерките и одлуките се донесени за да го заштитиме животниот стандард на граѓаните. Со мерките се опфатени 102 групи производи или околу 1.200 производи. Трговците мора да се научат да бидат дисциплинирани, да ги почитуваат мерките наменети се граѓаните. Како Министерство за економија и труд и како државна Пазарна инспекција онаму каде ќе откриеме недоследности на одлуките со кои се повредени правата на граѓаните, ќе бидат ригорозно казнети“, нагласи Ристески.
.webp){kind=icon}
