Македонски директори: Мажите доминираат иако жените почесто носат профит

Во функција на зајакнување на општествената свест за постигнување на поголема родова рамноправност, Македонска берза објави ажурирана анализа за структурата на органите на управување кај котираните акционерски друштва од која може да се забележи доминација на машкиот пол.

Од вкупно 549 членови во органите на управување на котираните акционерски друштва, само 26,6 проценти се жени. Од сите извршни директори или претседатели на управни одбори на котираните компании, само 16,7 проценти се жени.

Во МБИ10 компаниите, 27,8 проценти од членовите на органите на управување се жени, а само една компанија е управувана од жена извршен директор или претседател на управен одбор.

Меѓу топ пет дејности со најголем број на жени извршни директори или претседатели на управните одбори на котираните компании се трговијата (41,67 проценти), угостителството(25 проценти), земјоделството(20 проценти), банкарството (14,29 проценти) и услугите (12,5 проценти).

Котираните компании управувани од жени директори или претседатели на управен одбор, во 2024 година, почесто оствариле добивка, во споредба со котираните компании управувани од мажи.

„Трендот дека котираните компании управувани од жени директори или претседатели на управени одбори почесто остваруваат добивка е најизразен во 2024 година“, информираат од берзата.

Оттаму нагласуваат дека котираните компании кои оствариле добивка во 2024 година имале повеќе жени во органите за управување, споредено со компаниите кои забележале загуба.

Во моментов нема коментари за веста. Биди прв да коментира...

Остави коментар