Значаен раст на бројот на регистрирани патнички автомобили. За една година бројот граѓани и фирми кои во земјава поседуваат возило се зголемил за 50.000. Ги анализираме само патничките автомобили. Според Државниот завод за статистика, ако во 2020 година низ цела држава биле регистрирани 429.000 патнички автомобили, во 2021 година тој број е 478.000.
Во годините претходно трендот на раст е позабавен, односно бројот на регистрирани патнички автомобили се зголемувал за по неколку илјади.
Кога се анализира староста на патничките автомобили кои ги возиме во земјава, податоците покажуваат дека возниот парк не се обновува брзо. Напротив секоја година расте просечната старост на автомобилите кои ги возиме. Во 2021 година низ патиштата сме возеле автомобили со просечна старост од 19,5 години.
Инаку од вкупниот број регистрирани автомобили во 2021 година понови од две години се само 1,6 отсто од возилата. Понови од пет години се 3,4 отсто од автомобилите. Стари до 10 години се 6,3 отсто од возилата, а над 10 години се дури 89 отсто од патничките автомобили.
.webp){kind=icon}
