Македонските текстилни конфекции се соочуваат со недостиг на порачки од страна на традиционалните германски партнери. Ангел Димитров од Организација на работодавачи вели дека порачките се драстично намалени.
Тој посочува дека македонските конфекции работат генерално на помали нарачки во кои има по стотина парчиња бидејќи таквите нарачки не ги прифаќаат конфекциите од Бангладеш поради малиот обем. Немањето работна сила и високите трошоци на домашниот пазар се причини поради кои текстилната индустрија станува неконкурентна.
„Цените на нашите услуги надвор не растат како што нагло порасна и минималната плата, која е 58 проценти од просечната и тоа голем дел од конфекциите ги направи нерентабилни. Она што сега работиме се ситни налози“, изјави Димитров.
Прочитај повеќе
Минималната плата ја убива продуктивноста, добрите работници извисуваат
Продуктивноста во преработувачката индустрија падна за четири отсто во септември.
21.11.2024
Невработеноста се намалува, но проблемите на пазарот се зголемуваат
Стапката на невработеност во јуни падна на 12,5 отсто, што е историски најниско ниво.
12.11.2024
Тој додава дека од некогашните 65.000, во моментот во текстилниот сектор работат околу 25.000 работници. Неговите проценките се дека во наредниот период бројот на вработени може да се намали за уште 5.000. Според Димитров, бројот на вработени во овој сектор се намалува не само поради тоа што нема работа, туку и поради фактот што младите не сакаат да работат во текстилните конфекции.
Прашан како да се надмине проблемов, тој одговара дека очекува да почне со работа Економско социјалниот совет и уште на првата седница ќе побараат и ќе се борат за подобрување на Законот за работно ангажирање, со што како што вели Димитров, пензионерите нема да имат годишно ограничување од максимум 180 работни дена.
„Ние предлагаме за пензионерите кога ќе работат да нема годишно ограничување. Ако пензионерот сака да работи и може да работи на четири или осум часа, тоа е во ред. Но, зошто да му се ограничува времето? Зошто да му се ограничи работата на три месеци, а тој сака и може и понатаму да работи, прашува Димитров. „Со тоа пак ќе го тераме да работи во сива економија, на црно, како и сега што работат сите пензионери на црно“, рече Димитров од Организацијата на работодавачи.
Во 2024 година извозот на текстилната и кожарската индустрија изнесува 518,5 милиони долари и претставува 6,15 проценти од вкупниот извоз на државата. Висока застапеност, со околу 93 проценти, има лон производството, а само седум отсто отпаѓа на класичното производство.
.webp){kind=icon}
