Со 300 милиони евра државата ќе успее да обезбеди непречено снабдување со електрична енергија во следната половина година, тврди премиерот Ковачевски и вели дека пресметките се веќе направени, а дел од средствата се обезбедеин.
„Сигурно ќе има потреба од финансиски средства до 300 милиони евра во наредните два квартала со цел да обезбедиме електрична енергија по субвенционирани цени за граѓаните и малите потрошувачи“, изјави премиерот по седницата на Советот за безбедност, потсетувајќи дека веќе разговарале и со Бугарија за обезбедување базна енергија за стопанството.
Планот поддржан од Советот за безбедност предвидува државата да ги подготви сите ресурси за максимално производство на сопствена енергија, со цел во најтешкиот период, кој почнува на 1 октомври и ќе трае до почетокот на летото, на сите граѓани, ученици, студенти, средни, мали и микро бизниси да им се обезбеди најниска можна цена на струјата, како и снабдување со топлинска енергија по сегашната цена, со задржување на евтината тарифа и 24-часовна достапност.
Прочитај повеќе
Бугарија ќе ја обезбеди потребната струја за македонските фирми
До 31 март Бугарија ќе испорачува по 200 мегават часови струја за Македонија
05.09.2022
Ковачевски: Работиме на тоа стопанството да има поевтина струја
Генералниот директор на АД ЕСМ уверува дека се бараат начини за да се обезбеди поветина струја за стопанството.
05.09.2022
Со мазут ја спасуваме зимата, штетата пак на наша страна
Мазутот се враќа „во игра“ за производство на струја. Човековото здравје во сериозна опасност
05.09.2022
Премиерот најави и дека субвенционирање на струјата ќе има и следната година, со цел да се спречат ценовни шокови. Според него, непречено снабдување со струја мора да се обезбеди, но и цената треба да биде издржлива.
„Во Европа веќе има голем број бизниси од индустриските сектори кои не функцуионираат. Ние не сакаме да дозволиме тоа да се случи и кај нас иако ни претстои исклучително тежок период“, истакна Ковачевски.
„До почетокот на идната година нема да има поскапување на струјата, но, ако се погледнат сите влезни параметри, на сите им е јасно дека цените од идната година ќе бидат во пораст. Идната година државата повторно ќе ја субвенционира електричната енергија и нема да дозволи ценовен шок“, тврди премиерот.
Во меѓувреме, се’ уште нема договор со ТЕ-ТО, иако течат преговорите, а грејната сезона е се’ поблиску.
„Во моментов преговараат министерот за економија и компаниите од електроенергетскиот сектор. Се разговара со ТЕ-ТО за деталите. Штом ќе има договор, тогаш ќе можеме да информираме“, истакна Ковачевски, одговорајќи на новинарски прашања по седницата на Советот за безбедност.
.webp){kind=icon}
