Јаневски: Недостасува резултат од иницијативите за дигитализација

Постојат иницијативи за да се олесни процесот на дигитализација во земјава, но недостасуваат резултати, вели Димитар Јаневски, бизнис директор и продукт менаџер на Digital Office.

„Резултат и акција е тоа што недостасува. Има дебати, се случуваат активности, но сепак потребен е повидлив резултат“, нагласи тој во разговор за Блумберг Адриа ТВ.

Јаневски истакна и дека постојат многу компании кои немаат агенда во однос на дигитализацијата.

„Лично, сакам да видам повеќе компании кои во својата агенда навистина имаат ставено приоритет на дигитализацијата и да се посветат и да соработуваат со добри партнери за дигитализација“, посочи тој.

Како клучни фактори на патот кон успешна дигитализација, бизнис директорот на Digital Office ги наведува желбата, приоритетите и менаџментот.

За регулативата во земјава вели дека е поставена на добра основа и особено го истакна Законот за електронски документи.

„Сепак, има многу подзаконски акти кои треба да се досредат бидејќи се оставени да се толкуваат слободно“, кажа Јаневски додавајќи дека како што расте критичната маса на бизнисите кои се дигитални, така расте и притисокот врз институциите за брзи промени.

Целиот разговор со Димитар Јаневски, можете да го проследите во видеото во рамки на оваа објава.

Во моментов нема коментари за веста. Биди прв да коментира...

Остави коментар