.webp){kind=icon}
Клучниот показател за движењето на потрошувачките цени во Соединетите Американски Држави повторно се намали во декември, што е дополнителен доказ дека ценовните притисоци се намалуваат. Ваквите податоци им даваат простор на Федералните резерви да го забават темпото на зголемување на каматите на состанокот кој ќе се случи следниот месец.
Без цените на храната и енергијата, потрошувачките цени се зголемија за 0,3 отсто на месечно ниво и за 5,7 отсто на годишно ниво, покажуваат податоците на американското Министерство за труд. Економистите го гледаат овој индикатор, познат како базна инфлација, како попрецизен показател за движењето на цените од вкупната инфлација.
Во однос на ноември, вкупната стапка на инфлација е намалена за 0,1 отсто, а пониските цени на енергијата придонесоа за првиот пад по повеќе од две и пол години. Во однос на декември 2021 година, цените се зголемени за 6,5 отсто.
Просечната проценка во истражувањето на „Блумберг“ беше дека стапката на базичната инфлација на месечна основа ќе се зголеми за 0,3 отсто, а вкупната стапка ќе падне за 0,1 отсто.
