Администрацијата на претседателот на Соединетите Американски Држави, Џо Бајден, планира да воведе нови забрани за извоз и нов сет на санкции против Русија. Новите санкциите ќе ги погодат клучните индустрии една година по одлуката на Владимир Путин да ја нападне Украина.
Мерките ќе ги погодат одбранбениот и енергетскиот сектор, финансиските институции и одредени поединци, велат изворите на Блумберг, кои инсистираа да останат анонимни. САД и сојузниците ќе се фокусираат на спречување на Русија да ги избегне санкциите преку поддршката што ја добива од други земји.
Одделот за односи со јавноста на Советот за национална безбедност на Белата куќа не одговори на прашањата.
Американските и европските лидери се подготвуваат за конфликт кој би можел да трае, а украинските сојузници испраќаат оружје за да ги одвратат сè поинтензивните руски напади на источниот и јужниот фронт. Во тоа сценарио, украинската контраофанзива треба да се случи напролет.
Една од точките ќе биде обврската на банките во Европската унија да ги пријават имотите на санкционираните граѓани или руски компании. Пакетот треба да биде усвоен оваа недела, а за усвојување на одлуката е потребна поддршка од сите членки на ЕУ.
Овој пакет санкции вклучува и санкции против одредени ирански компании кои испраќаат беспилотни летала и воена опрема во Русија, но и построги мерки кои ја регулираат трговијата со други стоки што ги користи руската војска (технологија, компоненти, оклопни возила, електроника, ретки метали).
Групата седум и членките на Европската унија исто така се обидуваат подобро да ја координираат контролата на спроведувањето на мерките. Целта е да се оптоварат компаниите кои и помагаат на Русија да го намали ефектот од санкциите. Други цели се да се зголеми притисокот врз земјите кои и помагаат на Москва и да се испитаат мерките кои би можеле да помогнат да се спречи испораката на воена опрема за Русија во иднина.
Помина една година од почетокот на војната, а беа донесени неколку пакети санкции, па фокусот ќе биде ставен на имплементацијата на досега донесените мерки. Тоа вклучува убедување на земјите кои не се приклучиле на ЕУ да го сторат тоа, рече еден од изворите.
.webp){kind=icon}
