Министерката за финансии на САД, Џенет Јелен, ги замоли пратениците да го укинат или да го зголемат ограничувањето на федералниот долг, бидејќи таа смета дека високите економски политики на администрацијата на Бајден се заслужни за „историското закрепнување“ од пандемијата на коронавирусот.
Пресметката меѓу републиканците во Претставничкиот дом и Белата куќа на Бајден во врска со плафонот на долгот, Јелен ја нарече прашање што може да го загрози целиот напредок постигнат во изминатите две години.
Долгот на САД во јануари го достигна својот законски максимум од 31,4 илјада милијарди долари. Оттогаш Министерството за финансии користеше специјални сметководствени маневри за да ги стави на располагање средствата и да спречи неисполнување на обврските, за што Јелен смета дека ќе предизвика економска и финансиска катастрофа.
Се очекува Јелен да му даде нови насоки на Конгресот, можеби уште кон крајот на оваа недела, за тоа колку време имаат законодавците да ја зголемат горната граница пред да се претвори во реална опасност. Говорејќи во рамките на настан организиран од Стопанската комора на Сакраменто, Јелен се осврна на најголемата законодавна победа на администрацијата на Бајден, која одвои повеќе од илјада милијарди американски долари за инфраструктура, истражувања и производство на полупроводници и стимулации за технологија за чиста енергија. Јелен токму на тие закони им ги припиша заслугите за генерирање на растот и работните места, кои ја намалија вкупната стапка на невработеност на 3,5 проценти. Но тоа трошење исто така помогна да се зголеми инфлацијата и да се поттикнат републиканците во Конгресот да заземат поцврст став во дебатата за лимитот на долгот.
Претседателот на Претставничкиот дом, Кевин Мекарти, побара ветувања за идни намалувања на трошоците во замена за покачување на горната граница. Претседателот Џо Бајден инсистираше на зголемување на лимитот на долгот без услови. Се очекува гласањето за предлогот за ограничување на долгот да се случи кон крајот на оваа недела.
.webp){kind=icon}
