Кина има простор уште да ѝ обезбедува поддршка на монетарната и фискалната политика за да помогне во закрепнувањето на економијата, изјави висок претставник на Меѓународниот монетарен фонд (ММФ).
„Кина има простор да одржува приспособлива монетарната политика бидејќи инфлацијата е многу придушена. Има и фискален простор да обезбеди поддршка“, изјави денеска Кришна Сринивасан, директорот на ММФ за Азија и Пацификот.
Втората по големина економија во светот во првиот квартал растеше со најбрзо темпо на годишно ниво, иако поновите податоци за април покажуваат дека закрепнувањето можеби малку забавило, особено во преработувачката индустрија.
Аналитичарите дебатираа дали на економијата ѝ требаат повеќе стимулации или дали враќањето на растот ќе ги поттикне креаторите на политиката да почнат да ја намалуваат поддршката. Кинеските лидери минатата недела сигнализираа дека засега ќе се држат до својот релативно лабав став. Сринивасан рече дека динамиката на кинеската економија е доста силна. Но освен тоа, според него, креаторите на политиката ќе треба да се справат со долгорочните предизвици, особено на пазарот на недвижности.
.webp){kind=icon}
