Американскиот претседател Џо Бајден изрази уверување дека тимовите ќе постигнат договор за подигнување на горната граница на долгот, за да се избегне катастрофално неисполнување на обврските за исплати од страна на сојузната влада, дури и кога претседателот на Претставничкиот дом, Кевин Мекарти, ја критикуваше неговата одлука да отпатува во Јапонија на меѓународен самит, во услови на домашни превирања.
„Уверен сум дека ќе постигнеме договор за буџетот и дека Америка ќе ги реализира исплатите“, рече Бајден во средата во Белата куќа, непосредно пред да замине во Хирошима, на самитот на лидерите на Групата седум (Г7).
Во Капитол хил, Мекарти и другите републикански пратеници го критикуваа Бајден за неговата одлука да патува, при што претседателот на Претставничкиот дом го означи поведението како „голема пречка“ за договорот.
Прочитај повеќе
Бајден откажува посети, САД опасно блиску до горната граница за задолжување
Кризата што се развива околу горната граница на американскиот долг го натера претседателот Бајден да ги одложи плановитe за патување во странство.
17.05.2023
Јелен: Зголемувањето на долгот е единствениот добар исход за САД
Mинистерката за финансии на САД изјави дека единствениот добар исход во тековниот застој во однос на американскиот долг е Конгресот да ја зголеми границата.
12.05.2023
Ако САД не го подигнат лимитот за задолжување, под закана е националната безбедност
Американската министерка за финансии Џенет Јелен повторно зборуваше за неуспехот на сојузната влада да ги реализира своите давачки.
11.05.2023
„Господине претседател, престанете да се криете, престанете да патувате“, рече Мекарти.
Во вторникот, Бајден и конгресните лидери се согласија на нова потесна рунда разговори, со надеж дека ќе постигнат договор за да се избегне катастрофално неисполнување на обврските во поглед на исплатите од страна на државата. Американскиот претседател исто така објави дека ги откажува планираните патувања во Австралија и Папуа Нова Гвинеја и дека ќе се врати во Вашингтон до почетокот на следната недела за продолжување на преговорите.
Мекарти исто така рече дека се надева оти може да се постигне договор и дека планира да остане посветен на преговорите. Бајден, од своја страна, нагласи дека планира да остане во близок контакт со спикерот и со преговарачите додека патува во странство.
И пратениците и претставниците на Белата куќа изразија внимателен оптимизам во последните денови, па акциите пораснаа, а државните благајнички записи паднаа во средата во надеж за пробив. Сепак, Министерството за финансии предупреди дека САД би можеле да го надминат плафонот на долгот веќе на 1 јуни.
Владата на САД го достигна својот законски лимит за задолжување во јануари, а Министерството за финансии оттогаш користи специјални мерки за да има готовина на располагање. Министерката Џенет Јелен му порача на Конгресот дека мерките може да истечат на почетокот на следниот месец, што, меѓу другото, ќе ги доведе во прашање исплатите за инвеститорите во американски обврзници, примателите на помош и оние со кои САД имаат договори.
Бајден вели дека помалата преговарачка група има овластување да склучува договори во детали и да ги надмине разликите меѓу двете страни. Претседателот посочи дека не очекува оти договорот ќе биде постигнат пред да се врати од Јапонија в недела.
„Ќе ги продолжиме овие дискусии со конгресните лидери во наредните денови додека не постигнеме договор“, нагласи претседателот на САД.
.webp){kind=icon}