САД може да избегне рецесија, но сепак се соочува со можност за „мини стагфлација“, рече претседателот и главен оперативен директор на „Голдман сакс“ (Goldman Sachs Group Inc), Џон Волдрон, на конференцијата на „Блумберг Инвест“ (Bloomberg Invest), која се одржува во Њујорк. На оваа конференција се присутни некои од највлијателните лидери во финансиите, а се разговора на широк спектар теми, вклучувајќи вештачка интелигенција, криптовалути и ризичен капитал.
„Ова е најдобро предвидената рецесија што сè уште не се случила и можеби нема да се случи. Често доцна навечер се прашувам дали навистина може да имаме рецесија со невработеност од 3,5 отсто? Изгледа малку веројатно“, рече Валдрон.
Еден од можните исходи за кои се подготвува компанијата е, како што велат, мини стагфлациско сценарио.
„Тоа нема да се нарече рецесија, но нема да биде добро затоа што може да опстои некое време во кое се' што може да се добие е само бавен раст“, рече Валдрон.
Многу економисти предвидуваат дека доаѓа рецесија бидејќи Федералните резерви (ФЕД) агресивно ги зголемуваат каматните стапки за да ја забават економијата и да се спротивстават на зголемената инфлација. Американските компании најавија повеќе отпуштања во првите пет месеци од 2023 година отколку во целата мината година, а барањата за бенефиции за невработеност во САД минатата недела скокнаа на највисоко ниво од октомври 2021 година.
.webp){kind=icon}
