Првичните барања за бенефиции за невработеност во САД, мерени на неделна основа, паднаа со најбрзо темпо од јуни, што сугерира дека работодавците и понатаму не сакаат да отпуштаат работници дури и кога побарувачката се намалува.
Бројот на тие апликации се намали за 24.000, на 209.000 во неделата што заврши на 18 ноември, според податоците на Министерството за труд објавени во средата. Тоа е помалку од очекувањата на аналитичарите анкетирани од „Блумберг“.
Побарувањата што не се поднесени по првпат паднаа на 1,84 милион во неделата што заврши на 11 ноември, покажаа податоците. Тоа е прво намалување на бројката во претходните два месеца.
Бројот на првичните побарувања (горе) и на барањата за бенефиции што не се поднесени првпат (долу)
Bloomberg
Податоците од овој тип пред празници не се најсигурни, а тоа е особено случај за празниците кон крајот на годината. Четиринеделниот просек на првични побарувања, кој дава нешто подобра слика, падна на 220.000.
И покрај падот на бројот на барањата, тој сè уште е на нагорна патека. На состанокот што беше одржан во текот на месецов, претставниците на Федералните резерви изјавија дека чекаат дополнително олеснување за инфлацијата да може се врати на целта од два процента, покажуваат записниците.
Што вели „Блумберг економикс“...
„Атипичното задржување на работниците пред Денот на благодарноста го објаснува падот на барањата за бенефиции на меѓугодишно ниво. Доколку се исклучи неделната нестабилност, растечкиот тренд на барањата за првпат сугерира дека на невработените работници им е сè потешко да најдат нови работни места“, рече Стјуарт Пол.
Номинално гледано, бројот на првичните апликации достигна највисоко ниво од јули, а најлоши се Калифорнија, Орегон и Кентаки. Истиот показател за барања што не поднесени првпат достигна највисоко ниво во претходните четири месеци.
Посебен извештај во средата покажа дека нарачките за трајни производи паднале повеќе од очекуваното во октомври, што укажува на тоа дека фабричкото производство ќе има проблеми во месеците што следуваат.
.webp){kind=icon}
