Светските авиокомпании годинава ќе постигнат рекордни приходи. Индустријата, која го надминува падот од времето на пандемијата, се очекува да оствари поголем профит во 2024 година и покрај зголемените каматни стапки што го ограничуваат нејзиниот раст.
Нето-добивката на индустријата се прогнозира да достигне 23,3 милијарди долари годинава, објави во средата Меѓународната асоцијација за воздушен транспорт (ИАТА). Тоа е над двојно повеќе од профитот што здружението го очекуваше во јуни и речиси пет пати повеќе од неговата прогноза на почетокот на годината.
По тоа, закрепнувањето од пандемијата ќе биде умерено, според ИАТА. Се предвидува дека приходите ќе се зголемат за 7,6 отсто, на 964 милијарди долари во 2024 година, од годинешните 896 милијарди долари, додека нето-добивката ќе се зголеми на 25,7 милијарди долари. Од здружението потенцираа дека повисоките камати ја зголемуваат цената на капиталот.
Исчезнаа и неочекуваните добивки од повисоките цени на воздушниот транспорт. Приходите од товарниот транспорт се очекува да паднат на 111 милијарди долари во 2024 година, значително помалку од рекордните 210 милијарди долари во 2021 година, но сепак над приходот од 101 милијарда долари во 2019 година.
„Според прогнозите од 2024 година, можеме да очекуваме понормални модели на раст и за патничкиот и за товарниот сообраќај“, рече Вили Волш, генерален директор на ИАТА.
Здружението предвидува дека околу 4,7 милијарди луѓе ќе патуваат во 2024 година, историски рекорд што го надминува нивото од 4,5 милијарди пред пандемијата во 2019 година.
.webp){kind=icon}
Во моментов нема коментари за веста. Биди прв да коментира...