.webp){kind=icon}
Претседателот на Федералните резерви Џером Пауел сигнализираше дека креаторите на политиката ќе чекаат подолго од претходно предвиденото за да ги намалат каматните стапки по серија изненадувачки високи отчитувања на инфлацијата.
Пауел укажа на недостатокот на дополнителен напредок постигнат во однос на инфлацијата по брзиот пад забележан на крајот на минатата година, истакнувајќи дека најверојатно ќе биде потребно повеќе време за официјалните лица да ја стекнат потребната доверба дека растот на цените се насочува кон целта на ФЕД од два процента пред да се намалат трошоците за позајмување.
Ако ценовните притисоци продолжат, рече тој, Банката на федерални резерви може да ги одржува стабилните стапки „колку што е потребно“.
Прочитај повеќе
Инфлацијата во САД повторно е над очекувањата
Ваквите показатели ја засилуваат претпазливоста на ФЕД во однос на каматните стапки
12.03.2024
ББА-прогноза: Фед нема да ги коригира каматните стапки
Монетарната политика на Фед е под знак прашалник во однос на моментот кога ќе почне намалувањето на каматните стапки.
30.01.2024
ОЕЦД: Високи камати од ФЕД и ЕЦБ подолго од очекувањата на инвеститорите
Тоа е спротивно од очекувањата на пазарите кои во моментов се обложуваат за олеснување намонетарната политика во првата половина на следната година.
29.11.2023
„Неодамнешните податоци очигледно не ни дадоа поголема доверба и наместо тоа, укажуваат на тоа дека веројатно ќе биде потребно подолго од очекуваното за да се постигне таа доверба“, рече вчера Пауел на панел дискусија на која учествуваше заедно со гувернерот на Банката на Канада, Тиф Маклем во Центарот Вилсон во Вашингтон.
„Со оглед на силата на пазарот на трудот и напредокот во однос на инфлацијата досега, соодветно е да се овозможи дополнително време на рестриктивната политика да работи и да дозволиме податоците и изгледите кои се развиваат да не водат“, рече тој.
Забелешките на Пауел претставуваат промена во неговите пораки откако по трет последователен месец клучната мерка за инфлација ги надмина прогнозите на аналитичарите. Тоа, исто така, покажува дека властите гледаат мала итност за намалување на стапките и сугерира дека какво било намалување во 2024 година може да дојде релативно доцна во годината, ако воопшто дојде.
Креаторите на политиката посочија на можност за три намалувања на каматните стапки во прогнозите објавени минатиот месец, но инвеститорите сега се обложуваат на само едно до две намалувања оваа година, покажуваат пазарите на фјучерси. Следниот состанок на Федералниот комитет за отворен пазар, групата функционери што ги одредува каматните стапки ќе се одржи од 30 април до 1 мај.
„Нивната доверба е разнишана“, рече Кети Бостјанчиќ, главен економист во „Нешнлвајд мјучл иншуренс“ (Nationwide Mutual Insurance Co). „Тој го потврди и нагласи тоа што пазарите веќе го проценија врз основа на економските податоци“.
Приносите на државните благајнички достигнаа нови највисоки вредности од почетокот на годината, а приносите на двегодишните записи накратко ја надминаа границата од пет проценти и достигна највисоко ниво од ноември минатата година - откако Пауел сигнализираше дека Фед не брза да ги намали стапките.
Американската економија продолжува да ги изненадува претставниците на Фед со својата отпорност. Работодавците отворија над 300.000 работни места во март - најмногу во скоро една година - а продажбата на мало ги надмина очекувањата. Таа сила се совпадна со зголемувањето на ценовните притисоци во 2024 година, предизвикувајќи загриженост за застој во напредокот кон целта за инфлација на централната банка.
Претходно, потпретседателот на Фед, Филип Џеферсон, рече дека очекува инфлацијата да продолжи да се ублажува со каматните стапки на нивното сегашно ниво, но постојаните ценовни притисоци ќе гарантираат задржување на високите трошоци за задолжување подолго време. Претседателот на Фед-Ричмонд, Томас Баркин, рече дека некои неодамнешни податоци, вклучително и индексот на потрошувачките цени, не „поддржаа“ меко приземјување.
