Во рок од само осум минути, претседателот на Федералните резерви (ФЕД), Џером Пауел, предизвика распад на пазарот што го намали богатството на најбогатите луѓе во Америка за 78 милијарди долари.
Илон Маск загуби 5,5 милијарди долари од своето богатство. Џеф Безос изгуби 6,8 милијарди долари, најмногу од сите на индексот на милијардери (Billionaires Index) на Bloomberg. Богатството на Бил Гејтс и Ворен Бафет се намали за 2,2 милијарди и 2,7 милијарди долари, соодветно, додека на Сергеј Брин падна под 100 милијарди долари.
Претседателот на ФЕД во петокот кажа дека ќе продолжи тешката политика на зголемување на каматните стапки.
27.08.2022
Пауел го искористи својот говор на годишниот форум за политики на Канзас Сити ФЕД во Џексон Хол, Вајоминг, за да повтори дека американската централна банка ќе продолжи да ги зголемува каматните стапки и веројатно ќе ги остави покачени некое време за да ја намали инфлацијата. Со тоа, тој го одврати скорешното заживување на американските берзи што беше поттикнато од шпекулациите дека креаторите на политиките наскоро ќе го сменат курсот од нивното агресивно затегнување на монетарната политика.
Оваа година малкумина милијардери останаа со поштедени богатства. 500-те најбогати луѓе во светот изгубија 1,4 трилион долари во првата половина на 2022 година, што е најстрмниот 6-месечен пад досега кога се во прашање најбогатите на планетата. Но, американските акции во јули го забележаа својот најсилен месечен напредок од ноември 2020 година, што ги натера инвеститорите да се обложуваат дека најлошото е веќе минато.
Наместо тоа, говорот на Пауел послужи како потсетник дека вреднувањата на гигантските технолошки компании остануваат високи, според историски стандарди, благодарение на досега невидениот период за време на пандемијата на Ковид-19 кога каматните стапки беа близу нула.
Американските милијардери забележаа пад во богатството откако говорот на Пауел ги потопи акциите
Прочитај повеќе
Берзите потонаа по острите најави на Џером Пауел
.webp){kind=icon}
