Луѓето во Тајланд кои сакаат да ја изгаснат својата жед со попладневен пијалак од денеска ризикуваат високи казни поради изменетиот закон за контрола на алкохолот, кој го зајакнува спроведувањето и значително ги заострува ограничувањата околу маркетингот и рекламирањето.
Продажбата на алкохол во Тајланд е забранета во повеќето малопродажни објекти и супермаркети помеѓу 14:00 и 17:00 часот уште од 1972 година, но промените во Законот за контрола на алкохолни пијалоци што денеска стапуваат на сила значат дека поединците можат да бидат казнети со најмалку 300 американски долари за пиење или послужување алкохолни пијалоци во забранетите периоди или на забранетите места.
Иако постојат исклучоци за лиценцирани места за забава, хотели, сертифицирани установи во туристички области и аеродроми што нудат меѓународни летови, одговорноста е префрлена на потрошувачите, а заострените закони забрануваат и рекламирање на алкохолни пијалоци. Забрането и ангажирањето на познати, влијателни личности за промоција на алкохолни пијалоци за комерцијални цели.
Прочитај повеќе
Ќе стане ли Тајланд азиски Лас Вегас?
Владата има план да отвори забавни паркови кои ќе функционираат како центри со казина, хотели, конгресни центри и забавни паркови
26.01.2025
Раст на цените на угостителските услуги, најмногу поскапел алкохолот
Цените се зголемени кај алкохолните пијалаци за 9,4 проценти, кај безалкохолните пијалаци за 6,2 проценти, кај храната за 7,8 проценти, а кај ноќевањата има пад за 6,6 проценти.
05.09.2025
„Рајанер“ бара да се ограничи алкохолот на аеродромите
„Рајанер“ побара од европските власти да ја ограничат продажбата на алкохол на аеродромите.
15.01.2025
Новите регулативи ќе имаат негативен ефект врз рестораните бидејќи клиентот е сега „ограничен“ од пропишаното време во кое може да се консумира алкохол, рече Чанон Коетчароен, претседател на Здружението на тајландски ресторани.
Доколку еден објект му продаде шише пиво на клиент во 13:59 часот, на пример, но седи и пие во објектот до 14:05 часот, тоа би претставувало прекршување на законот според Член 32, а тоа лице би можело да биде казнето. „Ова ќе го попречи растот на угостителската индустрија“, рече Чанон, кој и самиот управува ресторан во Бангкок.
Со можноста самите потрошувачи да бидат казнети, продажбата на алкохол може да се преполови, рече еден анонимен соговорник кој работи како менаџер на угостителски објект.
Исто така, постои загриженост дека построгите закони им даваат можност на службениците да изрекуваат казни на клиентите, рестораните, или и на двете страни за лична корист.
Таопифоп Лимџитракорн, пратеник во парламентот од редовите на опозициската Народна партија, кој се залага за либерализација на алкохолот, рече дека продажбата на алкохол треба да биде овозможена 24/7. „Изменетиот закон има за цел да им служи на тие кои се против алкохолот“, рече Таопифоп.
Законските измени носат најголем ризик да ги збунат странските туристи кои може да нарачаат пијалок пред ограниченото работно време, но да го консумираат за време на забраната, рече тој.
.webp){kind=icon}
