Кина забрани производителите на автомобили да продаваат возила под нивната цена, со што ја засили борбата против долготрајната ценовна војна што го зафати најголемиот автомобилски пазар на светот.
Во конечниот сет на насоки објавен во четвртокoт, Државната управа за регулација на пазарот забрани продажба на автомобили под вкупните трошоци на производство. Овие трошоци не вклучуваат само расходи за производствената линија туку и административни, финансиски и продажни трошоци.
Применувајќи широка дефиниција на трошоците за производство, највисокиот кинески пазарен регулатор ја затвори правната празнина што им овозможуваше на компаниите агресивно да ги прошируваат продажбите, додека истовремено предизвикуваше загриженост кај официјалните лица поради општиот пад на цените во индустријата. Забрането е и усогласување на цените помеѓу производителите и доставувачите, како и практиката брендовите, преку остри програми за враќање на пари, да ги присилуваат продавачите да работат со загуба.
Прочитај повеќе
„Стелантис“ ќе запише трошоци од околу 22 милијарди евра по ресетот на стратегијата за електрични возила
Слабата продажба на електрични возила и растечките трошоци го принудија „Стелантис“ на стратегиски пресврт што ќе чини околу 22 милијарди евра.
06.02.2026
Полнењето електричен автомобил во Македонија предизвик за кој уште сме до стратегијата
Заклучно со лани, регистрирани се околу 2.000 електрични автомобили, а поставени се стотина јавни полначи, што е вистински предизвик за возачите.
20.01.2026
Кинеските производители на автомобили се повлекуваат од рекордниот удел на европскиот пазар
Уделот на кинеските хибриди и електрични возила се намали во октомври, но брендови како „Чери“, „Липмотор“ и БЈД и понатаму градат силна позиција на европскиот пазар.
01.12.2025
Поевтините електрични возила ја зголемија продажбата во Европа
Продажбата на автомобили во септември во Европа порасна трет месец по ред бидејќи потрошувачите имаа можност да избираат од поголем број достапни електрифицирани модели.
28.10.2025
Долготрајната ценовна војна ја преобликува кинеската автомобилска индустрија, поттикнувајќи го растот на гигантите како БЈД (BYD) и „Тесла“ (Tesla), додека помалите производители, кои беа присилени да ги намалат цените, беа доведени до работ на опстанок. Безмилосната конкуренција се прошири низ целиот синџир на снабдување, бидејќи производителите на автомобили бараа попусти од доставувачите и го продолжуваа рокот за плаќање, што регулаторите исто така се обидоа да го ограничат.
Регулаторот дополнително појасни некои насоки од нацртот објавен кон крајот на минатата година. Меѓу другото, дигиталните платформи за купување автомобили се дефинирани како надзорници на пазарот во реално време, кои ќе бидат поттикнати да издаваат „двојни предупредувања за ризик“ и за потрошувачите и за регулаторите кога некој трговец ќе понуди возило по необично ниска цена.
Засилени се и правилата што се однесуваат на софтверски дефинирани возила, кои сега бараат производителите да ги известат купувачите кога истекува бесплатниот пробен период за софтверот. Функциите што при купувањето не биле категорично претставени не смеат да бидат претворени во месечни претплати.
И покрај напорите на Пекинг да ги обузди попустите, вклучувајќи го и неодамнешното предупредување дека на производителите им се закануваат „високи казни“, новата година донесе нов бран на намалување на цените.
.webp){kind=icon}
