Екстремната топлина ги менува портфолијата. Кој би можел да има корист?

Иако топлотниот бран во Европа конечно се ублажи, инвеститорите велат дека сè уште се обидуваат да проценат како климатските промени ќе влијаат на нивните портфолија.

Кејти Селф од „Пиктет асет менаџмент“ вели дека клиентите сè повеќе ја прашуваат за ризиците и можностите што ги носи екстремната топлина. Во „Нувин“ очекуваат европската суша наскоро да почне да влијае на спредовите на корпоративните обврзници. Дејвид Харисон, менаџер на фондови во „Ратбонс асет менаџмент“, е оптимистичен во однос на компаниите што нудат климатски решенија и оние што работат во подрачјето за инфраструктура на електричната мрежа.

„Приспособувањето кон климатските промени и отпорноста е една од најважните инвестициски теми во следната деценија, но и една од најпредизвикувачките за инвеститорите“, рече Селф, виша инвестициска менаџерка во „Пиктет“.

Влијанието на климатските промени станува сè повидливо и на ниво на компанија. Дискусијата, која некогаш се фокусираше главно на комуналните услуги, сега се прошири на финансискиот, индустрискиот и здравствениот сектор.

Според анализата на „БлумбергНЕФ“, глобалните компании ја споменуваат екстремната топлина почесто од кога било досега во своите најнови извештаи. Нивото на водата во реката Рајна е исто така најчесто споменуваната тема во дискусиите за деловните перформанси од 2018 година наваму.

Во разговорите за деловните резултати во последниот квартал, топлотните бранови и недостигот од вода беа едни од најспоменуваните во најмалку десет изминати години | Bloomberg

Предизвикот за инвеститорите сега е да ги идентификуваат компаниите што се најизложени на климатски ризици, но и оние што би можеле да имаат корист од новите околности. Пазарите досега го набљудуваа рекордно нискиот водостој на Рајна како последица на временските услови, а не како кредитен ризик за компаниите. Но „размерот на нарушувањето сугерира поинаку“, напиша Лаура Купер, стратег за глобални инвестиции во „Нувен“ (Nuveen).

„Блумберг интелиџенс“ проценува дека екстремните временски настани ќе доведат до повеќе од 20 трилиони долари глобално трошење во текот на следната деценија. Еве како тие би можеле да влијаат на поединечните индустрии:

Состави за ладење

„Шнајдер електрик“ (Schneider Electric), АББ (ABB) и „Сименс“ (Siemens) би можеле да имаат корист од зголемените трошоци за системите за ладење, автоматизација и отпорност на мрежата, тврди аналитичарот на „Блумберг интелиџенс“, Омид Вазири. Тој исто така ги издвои „Алфа Лавал“ (Alfa Laval) и „Варцила“ (Wartsila) како компании преку кои инвеститорите можат да добијат изложеност на трендовите во ладењето, резервната моќност и микромрежите.

Побарувачката за вештачката интелигенција го поттикнува растот на акциите на компаниите поврзани со ладење | Bloomberg

Аналитичарот на „Блумберг интелиџенс“, Ендру Џон Стивенсон, изјави дека корист би можеле да имаат и „Мантерс груп“, која произведува индустриски системи за ладење, и „Стеф“, која е специјализирана за логистика со контролирана температура.

„Треба да барате компании што ги обезбедуваат алатките и инфраструктурата потребни за да се поттикне овој тренд“, рече Харисон, менаџер за портфолио во „Ратбонс“, фокусиран на ЕСГ-инвестиции.

Но процените за некои компании во секторот се веќе високи, потпомогнати од порастот на побарувачката на енергија од системите за вештачка интелигенција. Акциите на „Шнајдер електрик“ пораснаа за околу 25 проценти оваа година, што му дава коефициент цена-заработка (P/E) од 30. „Мантерс“ се тргува со околу 60 пати поголема заработка.

„Екстремните временски услови во Европа, како што покажаа годинашните летни топлотни бранови, ја зголемуваат побарувачката за ладење и енергетска ефикасност на зградите и создаваат две различни можности за најголемите компании за греење, вентилација и климатизација (HVAC)“, изјави аналитичарката на „Блумберг интелиџенс“, Кристина Фихери.

Индустрија

Ниското ниво на водата ги принудува товарните бродови на Рајна да превезуваат помалку товар, што ги зголемува трошоците за транспорт за компаниите во хемиската индустрија и производителите на челик и цемент.

БАСФ инвестираше во ултратенки танкери управувани од „Столт-Нилсен“, компанија за превоз котирана на берзата во Осло, кои би можеле да имаат корист доколку другите компании се принудени да направат слични приспособувања, вели Стивенсон од „Блумберг интелиџенс“.

Водостојот на клучната точка оттогаш се зголеми, но и понатаму е значително под просекот за август | Bloomberg

Производителите на енергија што се потпираат на вода за ладење на своите постројки или за управување со хидроцентрали значително го намалија производството. „ЕнБВ енерџи“ (EnBW Energie Baden-Wuerttemberg) предупреди дека може да претрпи удар врз профитот од неколку милиони евра.

„Компаниите со диверзифицирани извори на производство, алтернативни логистички решенија или можност за зголемување на цените треба да имаат корист“, рече Купер од „Нувен“.

Комунални компании

 

 

 

 

Земјоделство

Земјоделците можеби ќе треба да бараат долгорочни решенија за ефектите од климатските и еколошките стресови со помош на науката. „Баер“ (Bayer), БАСФ (BASF), „КВС Саат“ (KWS Saat) и „Кортева“ (Corteva) развиваат производи што треба да помогнат во зачувувањето на приносите во неповолни услови.

Според Селф од „Пиктет“, вреди да се следи и „Новонезис“ (Novonesis), кој произведува ензим што промовира подлабок раст на коренот.

Малопродажба

„Мичелс и Батлерс“ е една од компаниите што објавија дека топлотниот бран во Велика Британија имал негативно влијание врз продажбата, додека „Данелм“ објави дека високите температури ја намалиле посетеноста на продавниците. Од друга страна, одделот за вода на „Нестле“ и „Карлсберг“ посочија дека потоплото време во Европа им одело во корист.

Јулскиот топлотен бран во Обединетото Кралство ја погоди продажбата на облека | Bloomberg