text size
Европската Унија постигна договор за намалување на емисиите на стакленички гасови за 90 отсто до 2040 година во однос на нивото од 1990 година, со што блокот би останал на патот кон климатска неутралност до средината на векот.
Претставниците на Европската комисија, Европскиот парламент и земјите членки во Советот на ЕУ во раните утрински часови во Брисел усогласија рамка за конечниот климатски закон, потврди Данска, која моментално претседава со Унијата.
„Европа денес се обедини околу јасна насока на климатската политика заснована на науката и на заштитата на нашата безбедност и конкурентност“, порача данскиот министер за клима Ларс Аагард.
Прочитај повеќе
Значаен дел од глобалните емисии потекнува од имотот на најбогатите
Еден процент од најбогатите се одговорни за околу 40 проценти од емисиите
02.11.2025
Данок на јаглерод – власта мора брзо да реагира за да избегне „совршена бура“
Владите од Западен Балкан не се подготвени за европскиот механизам за прекугранично јаглеродно приспособување кој целосно стапува во сила од 1 јануари 2026 година, стои во извештајот на „Банквоч Нетворк“. Неподготвеноста на властите од регионот ја зголемува опасноста од катастрофална и неправедна енергетска транзиција.
30.10.2025
ЕУ во страв од поскапо греење и гориво бара помеки климатски правила
Брисел подготвува мерки за ублажување на ударот од новиот систем за јаглерод врз граѓаните и стопанството.
21.10.2025
Несогласувањата околу пластиката го кочат глобалниот договор
Во Швајцарија започнува шеста рунда на преговори, додека доказите за штетноста од овој материјал сè повеќе се натрупуваат.
05.08.2025
„Целта одговара на итноста на климатското дејствување, но истовремено ги штити нашата конкурентност и безбедност.“
Еден од клучните елементи на договорот е поголемото учество на меѓународните јаглеродни кредити во остварувањето на целите за намалување на емисиите. Горната граница е поставена на пет процентни поени од вкупното намалување наместо три, колку што првично предложи Комисијата. Тоа значи дека реалната цел за домашните емисии во 27-те земји членки изнесува 85 отсто.
ЕУ веќе има две обврзувачки цели: климатска неутралност до 2050 година и намалување на емисиите за 55 отсто до 2030 година во однос на 1990 година. Но широкиот консензус околу климатското дејствување што постоеше пред пет години значително ослабна, отстапувајќи им место на заштитата на трговијата и политиките што го ставаат фокусот на пониските трошоци за енергија. Поради тоа, целта за 2040 година стана политички чувствителна тема.
Bloomberg
Договорот што претставниците на трите институции го постигнаа на преговорите сега треба да го потврдат земјите членки и Европскиот парламент за да стане официјален закон.
Пакетот вклучува и едногодишно одложување на новиот систем за тргување со емисии за горива во транспортот и греењето до 2028 година. Неколку земји и пратеници побараа одложување поради загриженост дека системот би можел да ги зголеми трошоците за енергија и да предизвика незадоволство кај гласачите.
.webp){kind=icon}
