text size
Соjузните држави во кои американскиот претседател Доналд Трамп победи на изборите во 2024 година сочинуваат 71 отсто од вкупниот соларен капацитет инсталиран во САД во првата половина од годината, покажува извештајот на индустриското здружение објавен во четвртокот.
Тоа се случило и покрај напорите на администрацијата на Трамп да го ограничи развојот на обновливите извори на енергија и да го поттикне користењето на фосилните горива.
Соларните централи и батериските системи за складирање енергија заедно сочинувале 70 отсто од сите нови капацитети приклучени на американските електроенергетски мрежи во првите шест месеци од 2026 година, се наведува во извештајот на здружението СЕИА (Solar Energy Industries Association / SEIA) и „Вуд Мекензи“ (Wood Mackenzie).
САД во првата половина од годината инсталирале 15,7 гигавати големи соларни централи, во споредба со 14,8 гигавати во истиот период една година претходно. Растот следувал во пресрет на постепеното укинување на федералните субвенции за соларната енергија, усвоено во рамките на законот на Трамп познат како „Еден голем прекрасен закон“ (One Big Beautiful Bill), се наведува во извештајот.
СЕИА и „Вуд Мекензи“ очекуваат релативно слаб раст на соларните капацитети до крајот на деценијата поради пречките при издавањето дозволи што ги воведе администрацијата на Трамп и истекувањето на даночните олеснувања. Истовремено, побарувачката за електрична енергија силно расте, пред сè поради центрите за податоци што ги напојуваат системите со вештачка интелигенција и растот на домашното производство.
.webp){kind=icon}
