text size
Енергетска компанија од Тексас предлага пренамена на нуклеарни реактори од воени бродови на американската морнарица, со цел тие да се користат за снабдување на електро-енергетската мрежа на САД, во момент кога администрацијата на Доналд Трамп настојува да обезбеди огромни количини енергија потребни за подемот на вештачката интелигенција (ВИ).
Компанијата ХГП (HGP Intelligent Energy LLC) до Министерството за енергетика на САД поднела барање за пренамена на два повлечени нуклеарни реактора. Реакторите би се користеле за проект на дата-центар планиран во Оук Риџ, во сојузната држава Тенеси, се наведува во писмото упатено до Канцеларијата за финансирање на енергетската доминација при таа агенција.
Проектот е пријавен во рамки на Белата куќа и нејзината иницијатива ГМ (Genesis Mission), а би требало да произведува околу 450 до 520 мегавати електрична енергија достапна 24 часа на ден, што е доволно за снабдување на приближно 360.000 домаќинства.
Прочитај повеќе
„Блумберг НЕФ“: Потрошувачката на струја од центрите за податоци до 2035 година ќе се зголеми за 36 отсто
Побарувачката за енергија од американските центри за податоци се очекува да се зголеми на 106 гигавати до 2035 година, според „Блумберг НЕФ“, што е зголемување од 36 проценти во однос на истражувањата и претходната прогноза во април.
01.12.2025
„Опен еј-ај“ и „Енвидија“ ќе најават инвестиции во дата-центри во Британија
„Опен еј-ај“ и „Енвидија“, во партнерство со „Енскејл“, најавуваат милијарди долари инвестиции во британски дата-центри, за време на посетата на Трамп.
12.09.2025
Битка за податоци – регионот Адрија во потрага по сопствена вештачка интелигенција
Ова повеќе не е прашање на технолошки избор, туку предуслов за раст.
27.06.2025
Растот на центрите за податоци е неодржлив без зелена енергија
Експлозивна потрошувачка на струја поради вештачката интелигенција, како ќе се обезбедува во иднина?
20.06.2025
Теоретски, користењето на овие реактори би можело да стане еден од најбрзите начини за додавање стабилна, базна енергија во мрежата, во време кога САД се соочуваат со растечка побарувачка за електрична енергија. Изградбата на нови нуклеарни реактори, без разлика дали станува збор за класични големи централи или помали постројки од новата генерација, трае со години, како и изградбата на големи нови гасни електрани. Пренамената на воени реактори за цивилна употреба, меѓутоа, претставува целосно неистражен терен.
Американските носачи на авиони и подморниците се опремени со по два реакторa: станува збор за единици A4W произведени од ВЕ (Westinghouse Electric Co) или реактори од класата S8G кои ги произведува ГЕ (General Electric). Преуредувањето и прилагодувањето на два такви реактора би чинело приближно меѓу еден и четири милиони долари по мегават, што е само мал дел од трошокот за изградба на нов нуклеарен реактор, се наведува во предлогот.
Планот на ХГП вклучува поделба на приходите со државата, а компанијата би основала и фонд за постројката. Според наводите во писмото, инвеститорот планира да побара кредитна гаранција од Министерството за енергетика. За изградба на придружната инфраструктура и подготовка на реакторите за општа употреба би биле потребни меѓу 1,8 и 2,1 милијарди долари приватен капитал, се наведува во предлогот доставен до Министерството за енергетика, во кој имал увид „Блумберг њуз“ (Bloomberg News). Првата фаза од проектот би можела да биде завршена во 2029 година.
„Веќе знаеме како тоа да се направи безбедно и во големи размери, и среќни сме што имаме силна база на инвеститори и партнери кои ја споделуваат оваа визија“, изјави главниот извршен директор на ХГП, Грегори Фореро.
.webp){kind=icon}
