Најлош тренд во исхраната за 2022-та? Секако, штица со путер на Тикток

Замислете дека сте парче путер во 2022 година. Почетокот на годината би бил вообичаен за вас, но налето ситуацијата би станала хаотична. Вашата цена во Велика Британија би забележала драстичен скок од 30 проценти, за што би пишувале сите медиуми и тоа би станало главна тема во кризата со трошоци на живот. Наесен жителите на Велика Британија би станале загрижени поради цената, која е превисока во пресрет на главната сезона за печење колачи.

Но неочекуваниот пресврт во годината би бил кога би сте се нашле на сите видови непрехранбени површини и би предводеле малку веројатен тренд во храната: штица со путер.

Навистина, ентузијастите на Тикток годинава го прославија путерот. Му покажаа на светот безброј начини на кои може да се сервира овој млечен производ, почнувајќи од ставање путер на штица, а потоа додавајќи украси, од тие примамливите, како ротквички, па до тие што се целосно смешни, како што се незрели јагоди (бидејќи тој тренд почна во октомври, што е далеку од сезоната за јагоди во Соединетите Американски Држави).

Јас сум голема обожавателка на путерот. Тој е всушност скриената ѕвезда во некои од најдобрите јадења што сум ги јадела оваа година, од чоколадна торта со кафен путер во ресторанот „Перила“ во Лондон, до солен сос од јајца што го дополнува печеното пилешко месо во ресторанот „Пекинг хаус“ во Бруклин.

Овалот со путер што стана нов трик за празниците е нелогичен поради неговата апсурдност. Големо количество путер со додатоци сигурно не може да се најде на маса во ресторан, а се чини дека овој тренд официјално го започна професионалниот готвач Џошуа Мекфеден од Орегон. Тој правел вечера „од фарма до виљушка“, на која послужил овали со размачкан путер на нив, за во прв план да ги стави сезонските состојки и различни видови леб. Тоа е во ред кога седите на маса на која се присутни луѓе што сте ги повикале, а исто така е добра шанса да се пофалите со извонредни варијанти со путер што е достапен на полиците во продавниците. И да, тоа е поевтино од сервирање сирења или пршута.

Сепак, идеја за изнесување штици со путер на собна температура на забава додека мноштвото луѓе доаѓаат и јадат од таму? Тешко е дека ќе се смисли нешто помалку вкусно (притоа воопшто да не споменуваме за хигиенскиот дел) од тоа. А тука е и прашањето за чистење на мрсниот неред потоа.

Меѓутоа, некои ќе прашаат дали Тикток прави проблеми. Зарем во оваа ситуација не е виновен оној што го пренесува тој тренд?

Јас велам дека не е. Тикток е одговорен за ширење голем број трендови за лоша исхрана. Само оваа година треба да го обвиниме за ширење на рецептот за „сонливо пилешко“ (sleepy chicken), како и рецептот за здрава „кока кола“. Освен тоа, виновник е и за виралните видеоснимки за розов сос и пилешка салата, чие гледање е само губење време.

Сепак, верувам дека користењето на путерот има позитивна страна во светот на гастрономијата. Некои од нас тоа ги потсетува на раните денови од телевизијата Фуд нетворк (Food Network) од 1990-тите години, а особено на подемот на Емерил Лагаси. Дали ви беше досаден неговиот сеприсутен звук „Бам!“? Дали луѓето почнаа да ставаат премногу зачини во храната поради сите зачини што ги промовираше Легаси? Дали многубројните вечери требаше да ја емитираат кулинарската емисија? Да, да, да. Легаси беше првиот, покрај другите кулинарски ТВ-ѕвезди, што ја заинтересира публиката да зборува за храна и за процесот на кој таа се приготвува, на начин што не се случил уште од златниот период на Џули Чајлд. Поради тоа приготвувањето на домашните јадења стана многу популарно хоби. (Фуд ТВ беше првиот чекор кон успехот на овој познат готвач, но тоа е друга приказна.)

Слично на тоа, Тикток ја охрабрува новата генерација да ги прави јадењата за кои еднаш веќе се заинтересирала и врз основа на тоа да креира видеосодржини. Кафето далгон беше одличен начин за луѓето да се вратат на инстант кафето во периодот кога имаше помалку ресурси во текот на првите денови од пандемијата. Печените тестенини со фета, исто така, се вкусни и претставуваат едноставен начин за приготвување сос од сирење и домати за шпагетите.

Само, ве молам, не правете штици со путер.

Во моментов нема коментари за веста. Биди прв да коментира...

Остави коментар