Германската економија шест квартали по ред бележи благ пад на БДП. И покрај ова, германскиот берзански индекс DAX е на историски високо ниво. Зелената транзиција и одбранбената индустрија се главните двигатели на враќањето. Во последната година, DAX доби повеќе од 32 проценти, што е дури и повеќе од S&P500.
Пресврт
Германија е на економски и политички пресврт. Што се однесува до економијата, розите не цветаат многу месеци, најмногу поради автомобилскиот сектор и лошите резултати во тешката индустрија. Автомобилскиот сектор е значително погоден од кинеската конкуренција кај електричните возила и е принуден да започне со масовно намалување на трошоците, додека хемиската и фармацевтската индустрија се соочуваат со проблеми од веројатните американски царини. Сепак, што се однесува до DAX, тоа воопшто не се почувствува. Водени од силната европска зелена агенда, „Сименс енерџи“ (Siemens Energy) урива рекорди, додека воената индустрија предводена од „Реинметал“ (Rheinmetall) дополнително го зајакна индексот.
Прочитај повеќе
Германија оди во десно и без АфД на власт
Две недели пред предвремените парламентарни избори се одржа ТВ-дуел меѓу двајцата најсериозни кандидати.
11.02.2025
Мрачни бројки од Германија - пад на производството на возила и машини
Производството во декември се намали за 2,4 проценти во однос на претходниот месец, што е полошо отколку што предвиде речиси секој економист од „Блумберг“.
07.02.2025
Се зголемува песимизмот кај германските компании во пресрет на изборите
Германците штотуку издржаа втора година по ред на контракција, оптоварена првенствено од нејзиниот проблематичен производствен сектор.
27.01.2025
Од перспектива на вреднување, германската берза успеа да се „одвои“ од реалната состојба на економијата и се уште изгледа потценета – сооднос цена/заработка (P/E) е 16 пати, а соодносот ЕВ/ЕБИТДА е 8,6 пати. Иако, во споредба со поширокиот европски индекс STOXX 600, гледаме дека разликата помеѓу коефициентот P/E се сврте во корист на STOXX600, што значи дека сега и вреднувањето на STOXX600 изгледа солидно. Општо земено, европскиот пазар е прилично фрагментиран по сектори и подобро би било да се гледаат поединечни сектори кои имаат потенцијал за раст, наместо да се гледа целокупниот пазар.
Ресетирање на економијата
Претстојните парламентарни избори најверојатно ќе резултираат со малку подесничарска влада, која, ако го примениме примерот на Трамп и/или Милеи, би можела да ја ресетира економијата и со тоа дополнително да го поттикне растот на индексот DAX. Индустријата која би можела да има значителна корист е секторот за градежни материјали и градежништво, кој трпеливо чека да се преговара за некаков мир во Украина. Дополнително, Газа, Сирија и Либан бараат реконструкција, што е дополнителен поттик за компаниите поврзани со реконструкција. Индексот на UBS, кој ги следи европските компании кои би можеле да имаат корист од закрепнувањето, веќе доби 30 проценти во изминатата година. Исто така, важно е да се следат градежните суровини како што се железото, цементот и дрвото, кои се главниот сегмент на градежништвото.
.webp){kind=icon}
Во моментов нема коментари за веста. Биди прв да коментира...