Продадени големи блокови акции од ‚Гранит‘ за 575.000 евра

Во четири блок-трансакции со вкупна вредност од 35,4 милиони денари или околу 575.000 евра минатата недела на Македонската берза беа истргувани 24.653 акции од градежната компанија „Гранит“. Акциите се продадоа по цени од 1.360 до 1.490 денари за акција. 

На слободниот пазар, во блок трансакција вредна 6,9 милиони денари или околу 113.000 евра се продадоа 1.050 акции од компанијата „Индустријал Струма“ АД Струмица. Акциите се продадоа по цена од 6.666 денари за акција.

Во текот на минатата недела во 276 трансакции на берзата беа истргувани вкупно 48.648 хартии од вредност и беше остварен промет од 53,9 милиони денари (877.000 евра).