Тензиите на Блискиот Исток растат, акциите паѓаат

Ескалацијата на геополитичките тензии предизвика раст на цената на нафтата и пад на акциите, при што Волстрит беше потресен и од нова распродажба на некои од најголемите светски технолошки компании.

Падот на акциите го избриша неделниот раст, туркајќи го индексот S&P 500 надолу за околу 1 отсто. Индикаторот за производители на чипови падна за повеќе од 3 отсто. Цената на нафтата надмина 91 долар, откако претседателот Доналд Трамп вети нови удари врз Иран и ја прекори земјата за одложување на разговорите за привремен мировен договор, по ноќните напади што дополнително го нарушија кревкото двомесечно примирје.

„Ќе ги напаѓаме, ќе ги напаѓаме многу жестоко,“ изјави Трамп пред новинарите во Белата куќа во средата. „Вчера ги погодивме силно, и денес повторно ќе ги погодиме силно.“

Зголемените тензии на Блискиот Исток ризикуваат да ги нарушат повремените индиректни разговори меѓу Иран и САД. Тоа значи дека патот до договор за повторно отворање на Ормускиот Теснец е неизвесен, поттикнувајќи загриженост за инфлациски притисоци што би можеле да ги натераат Федералните резерви да ги зголеми каматните стапки пред крајот на годината.

„Инвеститорите се надеваа на брз мировен договор на Блискиот Исток,“ рече Брет Кенвел од „Е-торо“. „Проблемот е што колку подолго трае решавањето, толку е поверојатно цените на нафтата да останат високи. А колку подолго цените на енергијата останат високи, толку повеќе инфлацијата може да се залепи.“

Овие грижи ги засенија релативно умерените податоци за потрошувачките цени, кои претходно донесоа извесно олеснување за трговците. Иако инфлацијата во САД се забрза во мај до најбрзото темпо во повеќе од три години, основниот показател порасна помалку од очекуваното.

„Многу е можно работите да се завршат на Блискиот Исток и транспортот да се нормализира до крајот на годината, во кој случај инфлацијата би можела да се намали со текот на времето и Фед да се воздржи од зголемување на стапките,“ рече Крис Закарели од „Нортлајт асет менаџмент“. „Но ако состојбата остане како што е, тогаш сите прогнози паѓаат во вода.“

Во меѓувреме, предупредувањата за балон се најгласни во делови од пазарот што јаваат на бранoт на вештачката интелигенција, каде многу од „Велиствените 7 “ мегакомпании и производители на полуспроводници имаат силни приноси.

Инвеститорите се подготвуваат за бран нова понуда на акции, невидена во поновата историја. Поплавата од акции на компании што бараат капитал за финансирање на амбициите за вештачка интелигенција отвора прашања на Волстрит дали побарувачката ќе биде доволна за да ја апсорбира емисијата и какви ќе бидат импликациите за пошироките вреднувања на акциите.

„По историскиот раст, групата доби заслужен одмор, со потребно прибирање профит за да се задржат позициите во рамките на ризичните параметри,“ рече Марк Хакет од „Нејшнвајд“. „Исто така, почнувајќи со понудата на ‘Гугл’ минатата недела, ИПO-ото на „Спејс екс“ оваа недела, и веројатните понуди од „Мета“, „Опен-еј-ај“ и „Антропик“, институционалните и малопродажните инвеститори веројатно собираат средства за учество.“