.webp){kind=icon}
Македонскиот пазар на капитал не отскокнува од светските текови, каде се бележи пад на индексите поради неизвесноста од економски раст во услови на енергетска криза, инфлација и заострени монетарни политики од страна на централните банки, смета Лазе Камчев, директор на инвестицискиот фонд Генерали Инвестментс, кој гостуваше во Блумберг Адриа ТВ.
„Реално, акциите се под влијание од затегнувањето на монетарните политики од страна на централните банки, инфлацијата, забавениот раст, што значи дека имаме едно општо ниво на несигурност и верувам дека во оваа фаза инвеститорите се уште стојат на страна и чекаат да видат што ќе се случи следните неколку месеци“, вели Лазе Камчев, директор на Генерали Инвестментс.
Според Камчев, се наоѓаме во период кога генерално има одложување на инвестициските одлуки. Од друга страна, смета дека за позначајно поместување на пазарот на капитал во земјава потребна е и поквалитетна финансиска едукација.
„Ако земеме предвид дека инвестициските фондови постојат повеќе од 15 години и во тој период имале коректни приноси, се уште нема некое поместување напред или поголема отвореност на компаниите за диверзификација на дел од средствата. Сепак, кога зборуваме за управување со финансиските средства имаме поразлични инструменти, но се уште банкарските депозити доминираат“, вели Камчев во разговорот за Блумберг Адриа ТВ.
Погледнете го видеото со целиот разговор со Лазе Камчев, директор на Генерали Инвестментс.
