text size
Во блок-трансакција вредна 27,4 милиони денари (околу 445.000 евра) денеска на Македонската берза се продадоа 444.999 акции од „ВФП Пензиско друштво“ АД Скопје.
Станува збор за 49,9 проценти од основната главнина на друштвото. Акциите се продадоа по цена од 61,63 денари (околу едно евро) за акција.
„Блумберг Адрија“ неодамна пишуваше дека до Комисијата за заштита на конкуренцијата (КЗК)било доставено известување за концентрација на капитал според кое „Еуролинк Осигурување“ АД Скопје и друштвото за управување со отворени и затворени инвестициски фондови „ВФП фонд менаџмент“ планираат да стекнат заедничка контрола над друштвото за управување со доброволни пензиски фондови „ВФП Пензиско друштво“.
Прочитај повеќе
„Еуролинк Осигурување“ влегува во сопственичката структура на „ВФП пензиско друштво“
За оваа концентрација на капитал било доставено известување до Комисијата за заштита на конкуренцијата.
15.06.2026
Од КЗК тогаш информираа дека „Еуролинк Осигурување“ e компанија за неживотно осигурување каде што единствен акционер е „Граве Групација“ (Grazer Wechselseitige Versicherung AG), интернационална компанија со долга осигурителна традиција. „Граве Групацијата“ освен на „Еуролинк Осигурување“ во земјава е сопственик и на „Граве осигурување“ АД Скопје, „Граве неживот“ АД Скопје.„Граве недвижности“ ДООЕЛ Скопје и на „Граве имоти“ ДООЕЛ Скопје.
Од друга страна, „ВФП фонд менаџмент“ е дел од „ВФП Групација“, компанија за финансиско советување од Грац, Австрија. „ВФП Групација“во Македонија ги поседува „ВФП“ АД Скопје, „ВФП Фонд Менаџмент“ АД Скопје, „ВФП Пензиско друштво“ АД Скопје, „Иново Брокер“ АД Скопје, „ВФП Плус Консалтинг“ ДОО Скопје, „ВФП Акаунтинг“ ДОО увоз-извоз Скопје и „Генезис Еквити Партнерс“ АД Скопје.
.webp){kind=icon}
