Кои компании од берзата работат со добивка, а кои со загуба?

Во периодот од јануари до септември годинава 72 компании на Македонската берза работеле со добивка, а вкупниот профит е 14,1 милијарди денари (229 милиони евра), покажуваат најновите квартални податоци. Од анализираните 94 компании, 18 друштва имале загуба од 1,5 милијарди денари (24,8 милиони евра). Ова алудира дека во овој период, вкупниот финсиски резултат (добивките минус загубите) на компаниите од берзата изнесува 12,6 милијарди денари (204,3 милиони евра), што е намалување од 9,83 проценти во однос на истиот период од минатата година кога билансот изнесувал 226 милиони евра.