text size
„Инвеститорите гледаат вредност во обврзниците за првпат во последната деценија, бидејќи зголемените каматни стапки го прават фиксниот приход привлечен“, смета Боб Мишел од „ЈП Морган Чејс“ (JPMorgan Chase & Co).
Приносите на референтниот агрегатен индекс на „Блумберг“ за обврзниците порасна на 4,7 проценти, од 1,75 отсто на крајот од 2021 година, бидејќи американските Федерални резерви (ФЕД) започнаа со агресивно зголемување на стапките во борбата против инфлацијата. „Со оглед на тоа дека ФЕД покажува знаци на забавување на зголемувањето на каматните стапки, инвеститорите може да очекуваат поголема стабилност на пазарот“, рече Мишел во гостувањето на Блумберг ТВ, кој е директор за инвестиции со фиксни приходи во „ЈП Морган Чејс“, кој управува со имот од 2,5 илјади милијарди долари.
„Секоја платформа за управување со имоти во ’ЈП Морган’, секој институционален клиент доаѓа кај нас и ги вложува парите во обврзници. Обврзниците се вратија“, рече Мишел.
Акциите едвај се поместија во текот на неделата, при што индексот S&P 500 загуби помалку од еден отсто, но падна за 17 проценти вкупно досега во 2022 година. Приносите од двегодишните државни обврзници пораснаа на 4,5329 проценти, а 10-годишните државни обврзници се зголемија на 3,8288 проценти, обратна крива на приноси што често сигнализира рецесија.
„Трошка надеж со која се чини помалку веројатна рецесијата е резултатот од изборите, на кои републиканците ја презедоа контролата над Претставничкиот дом на САД, додека демократите го задржаа Сенатот, ситуација што веројатно ќе спречи големи промени во политиките во Вашингтон“, рече Мишел.
„Кога доаѓа до драматични промени во политиката, морате повторно да одредите цени буквално на сѐ на пазарот, а тоа станува дестабилизирачко. Ако знаеме дека ќе имаме застој, може да се фокусираме на намалување на инфлацијата и да се обидеме да избегнеме рецесија и да постигнеме меко приземјување“, рече Мишел.
.webp){kind=icon}
