Иван Штериев, главен извршен директор на Македонската берза во денешното гостување на „Блумберг Адрија ТВ“ говореше за резултатите од новото истражување за потенцијалот на македонскиот пазар за хартии од вредност, за даночните реформи со кои од Нова година почнува оданочувањето на капиталните добивки, како и за умрежувањето на регионалните берзи.
Тој укажа дека анкетата во рамките на истражувањето покажала дека две третини од менаџерите во Македонија после толку многу години се уште немаат познавање за финесите и предностите во функционирањето на акционерските друштва, издавање нови емисии хартии од вредност и котација на берзата. Штериев потенцира дека постојат низа ирационални стравови и дилеми за настап на берзата, кои главно се сведуваат на страв од дисперзија на сопственоста.
Во однос на регионалното поврзување на пазарите, тој ги истакна придобивките од работењето на СЕЕ Линк, платформа во која се вклучени седум брзи од регионот и додаде дека главниот фактор кој влијае на функционирањето на платформата е пред се силната конкуренција на големите меѓународните пазари, кои поради квалитетот и квантитетот што го нудат регионалното инвестирање постојано се перцепира како поризична, секундарна или терцијарна алтернатива од страна на инвеститорите.
Според него, потребно е да се работи на обезбедување подобри информации за поголем развој на заедничкиот регионален пазар.
.webp){kind=icon}
