.webp){kind=icon}
Европските акции се подобро подготвени од тие на скапите американски компании кога станува збор за падот на заработката што требало да се случи оваа година, сметаат стратезите од „Ситигруп“ (Citigroup Inc). Тимот предводен од Роберт Бакланд ги зголеми европските акции до прекумерна тежина во петокот, велејќи дека ваквите вреднувања веќе го намалуваат падот на заработката од 15 отсто. Во исто време, тие ги намалија американските акции со образложение дека очекувањата за заработката сè уште се премногу оптимистички.
Ставот на „Ситигруп“ придонесува за растечкиот оптимизам кон европските акции, кои во четвртиот квартал имаа рекорден ефект во однос на американските по годината окарактеризирана со пад. Со оглед на тоа што сега се наѕира рецесија во Америка, инвеститорите им го вртат грбот на скапите мегакапитализации и се фокусираат на евтините процени за Европа.
Индексот Stoxx 600 се тргува со околу 12,2 пати очекувана заработка за наредниот период, додека очекуваната заработка на S&P 500 е 16,6 пати.
„Во САД рецесиската реалност се приближува. Очекуваме послабо прво полувреме, а посилно второ полувреме“, напишаа во белешката стратезите на „Ситигруп“. Тие прогнозираат дека S&P 500 ќе ја заврши 2023 година на 4.000 поени, што значи раст од околу пет проценти од сегашните нивоа, додека предвидуваат раст од осум отсто на Stoxx 600, со што индексот би се искачил на 475 поени. Стратезите очекуваат глобалната заработка да се намали за пет до десет отсто оваа година, наспроти сегашните очекувања на аналитичарите за раст од три проценти.
Bloomberg Mercury
Со почетокот на сезоната за објава на заработките на големите американски банки, вклучувајќи ги и „ЈП Морган чејс“ (JPMorgan Chase & Co) и „Бенк оф Америка“ (Bank of America Corp), инвеститорите ќе проценат како зголемените стапки, тврдоглавата инфлација и забавувањето на побарувачката влијаеле на корпоративниот профит. Бакленд и неговиот тим очекуваат каматните стапки да го достигнат највисокото ниво во првата половина на 2023 година, а намалувањата потенцијално ќе дојдат подоцна во годината.
„Врвот на каматните стапки ќе ја ограничи понатамошната штета од вреднувањето за пазарите на капитал“, напишаа тие. „Згора на тоа, глобалната листа за проверка на пазарот на ’Ситигруп’, која ги зема предвид факторите како што се премијата за ризик на капиталот, тековите на фондовите и растот на капиталните расходи, покажува 6,5 од 18 потенцијални црвени знамиња, што сугерира да се купува во пад, но не и да се брка раст“, објасни Бакланд.
Инаку, стратезите од „Голдман сакс“ (Goldman Sachs Group Inc), предводени од Шерон Бел, ја зголемија својата 12-месечна цел за Stoxx 600 на 465 поени, што значи 5,8 проценти повеќе од вчерашното затворање. Во меѓувреме, нивните колеги од „Сосиете женерал“ (Societe Generale SA), вклучувајќи го и Роланд Калојан, рекоа дека иако европските акции сега изгледаат скапо наспроти обврзниците, тие ќе ги привлечат купувачите ако референтната вредност се тргува блиску до нивото од 400 поени.
