.webp){kind=icon}
На 15.06.2022 година Комисијата за берзански индекс изврши редовна ревизија на индексите МБИ10 и ОМБ, соопшти Македонската берза.
„Согласно методологијата за пресметување на индексот МБИ10, Комисијата за берзански индекс определи дека елементи на индексот МБИ10 ќе бидат обичните акции издадени од: „Комерцијална банка“ АД Скопје, „Гранит“ АД Скопје, „Алкалоид“ АД Скопје, „Макпетрол“ АД Скопје, „Македонијатурист“ АД Скопје, „Стопанска банка“ АД Битола, „Македонски Телеком“ АД Скопје, „НЛБ Банка“ АД Скопје, „Стопанска банка“ АД Скопје и „ТТК Банка“ АД Скопје“, информираа од берзата.
Комисијата за берзански индекс определила и дека елементи на ОМБ ќе бидат обврзниците за денационализација од 13. до 21. емисија.
„Датум на имплементација на извршената ревизија, односно датумот од кој ќе отпочне да се пресметуваат индексите по новиот состав е 30.06.2022 година. Следната редовна ревизија на индексите е на 15.12.2022 година“, соопшти берзата.
