Се врати позитивата на берзите по стресот од колапсот на СВБ

Американските и европските фјучерси на акции се движеа меѓу мали добивки и загуби, а азиските акции пораснаа додека инвеститорите се обложуваа дека најлошото глобално влијание од американскиот банкарски сектор помина.

Финансиските акции се меѓу најголемите добивки во денешното тргување во Токио и Хонгконг, каде што индексот се зголеми за повеќе за над еден отсто. Тоа што американските акции се зголемија до крајот на вчерашното тргување помогна да се постави сцената за промена на расположението и во Азија денеска.

 

 

Имено, индексот S&P 500 во рамките на азиските часови од тргувањето е со 1,7 отсто поголема вредност, а технолошкиот индекс Nasdaq 100 порасна за 2,3 проценти. Европскиот индекс падна за 0,1 отсто, додека поголемите азиски берзански индекси се зголемија меѓу 0,4 и 1,2 отсто.

Трговците ги проценуваат големиот број економски податоци од Кина, каде што продажбата на мало се зголеми колку што се проценува, додека производството во фабриките беше незначително пониско од проектираното. Народната банка на Кина додаде повеќе ликвидност од очекуваното, додека основната каматна стапка на кредитирање ја задржа непроменета. Зголемувањето на продажбата на станови обезбеди еден јасно позитивен сигнал, што се рефлектираше во пораст на индексот на недвижности на копното.

 

 

Мерачот на вредноста на доларот се тргуваше малку променето во тесниот опсег по падот од четири дена по ред. Сега еврото во однос на американскиот долар се тргува по курс од 1,0741 долар за евро.

Внимателно следениот индекс на базичната инфлација во САД се зголеми за 0,5 проценти во февруари, што е малку над просечната процена од 0,4 отсто и доволно за да се задржи притисокот врз креаторите на политиката да ги зголемат стапките.

„Нашето гледиште е дека инфлацијата го достигна врвот и ФЕД ќе направи уште едно зголемување на каматните стапки за 25 базични поени и тоа е тоа“, рече Марк Метјус, раководител за истражување за Азија во „Банк Џулиус Бер“ (Bank Julius Baer & Co), на ТВ Блумберг. Тој рече дека регулаторната заштита по колапсот на „Силикон валеј банк“ (Silicon Valley Bank) - СВБ (SVB) е многу важна, но не мора да значи дека ќе им стави крај на таквите инциденти. „Ефектот на бранување на ерата на ултраниски каматни стапки, а потоа и ковид е сè уште многу присутен“, рече Метјус.

Забелешките од компаниите за рејтинг за финансискиот сектор нагласуваат дека расположението веројатно ќе остане кревко по неуспесите на американските банки, најголеми од финансиската криза.

„Мудис инвесторс сервис“ (Moody’s Investors Service) ја намали својата перспектива за секторот по триото банкарски колапс во изминатите неколку дена.

 

 

Златото загуби 0,1 отсто од својата вредност, со што унца чини 1.901,17 долар, а тоа одзеде дел од сјајот од тридневниот бран на раст од повеќе од пет проценти.

 

 

На криптопазарот сликата е позитивна, каде што најголемиот токен, биткоинот, порасна за 0,9 проценти и чини 24.848,83 долари, додека етерот се зголеми за 0,1 отсто, на 1.707,61 долари.

Во моментов нема коментари за веста. Биди прв да коментира...

Остави коментар