Приносите од обврзници растат, акциите паѓаат

Акциите паднаа додека приносите на државните обврзници пораснаа во поголемиот дел од Азија бидејќи инвеститорите ги преиспитуваат ризиците од инфлацијата. Вчерашната неочекувана одлука на Банката на Канада да ја рестартира својата кампања за зголемување на стапките продолжи да одекнува низ глобалните пазари и денеска. Трговците ги зголемија облозите за покачување на стапката и од страна на Федералните резерви (ФЕД) за четвртина процентен поен на состанокот во јули.

Промена на приносите на двегодишните обврзници по земји / Bloomberg Mercury

 

Индексот S&P 500 падна за 0,4 отсто, а технолошкиот Nasdaq 100 дури за 1,8 отсто. Европскиот берзански индекс се намали за 0,4 отсто, а во негативната зона се и азиските индекси, чиј пад е во распон меѓу 0,2 и 1,2 отсто.

 

 

Американските фјучерси се намалија по вчерашниот пад на Волстрит, при што индексот S&P 500 се намали втор ден оваа недела, а Nasdaq 100 го доживеа најлошиот ден од април бидејќи технолошките акции го поднесоа најголемиот дел од нервозата поради повисоките стапки.

„Со оглед на растот што го имавме, би било нормално да се види малку пауза, особено затоа што гледаме дека стапките наскоро би можеле да паднат, но да останат повисоки подолго време“, рече Виржини Мезонев, глобален главен инвестициски директор за акции во „Алијанц“ (Allianz Global Investors), во интервју за телевизијата „Блумберг“. 

На потезите во Јапонија, пак, силно влијаеја податоците за БДП, кои беа многу посилни од очекуваните, при што економијата во првото тримесечје се зголеми за 2,7 проценти наспроти проекциите за раст од 1,9 отсто. Веста го зајакна и јенот. Вредноста на еврото во однос на американскиот долар порасна за 0,1 отсто, на 1,0713 долар за евро.

Позначајна промена има кај златото, чија вредност денеска е за 0,4 отсто повисока и златните прачки се тргуваат по цена од 1.947,06 долари за унца.

На криптопазарот нема поголеми промени, но раздвижувањето е во различна насока. Имено, најголемиот токен, биткоинот, порасна за 0,2 отсто, на 26.426,18 долари, додека етерот падна за 0,1 отсто, на 1.839,65 долари.

Во моментов нема коментари за веста. Биди прв да коментира...

Остави коментар